ទូករបស់កូរ៉េខាងជើង បានឆ្លងកាត់ចូលដែនទឹករបស់កូរ៉េខាងត្បូង
- សេចក្ដីលម្អិត
- ជំពូក៖ ព័ត៌មានអន្តរជាតិ
ទូកមួយរបស់កូរ៉េខាងជើង ដោយមាននាវិកចំនួន៣នាក់ បានបើកឆ្លងកាត់ព្រំដែនសមុទ្រជាក់ស្តែងជាមួយនឹងកូរ៉េខាងត្បូង ហើយត្រូវបានគេទាញទៅដល់កំពង់ផែមួយ នេះបើ
តាមទីភ្នាក់ងារព័ត៌មាន ផ្សាយកាលពីថ្ងៃពុធ ដោយដកស្រង់សំដីរបស់របស់អគ្គសេនាធិការចម្រុះកូរ៉េខាងត្បូង។
នាវាដែលធ្វើពីឈើនោះ បានបើកឆ្លងកាត់ខ្សែដែនកំណត់ភាគខាងជើងក្នុងសមុទ្រភាគខាងកើត ដែលត្រូវបានគេស្គាល់ផងដែរថាជា សមុទ្រជប៉ុន នាម៉ោងប្រមាណ១១.២០នាទីយប់ថ្ងៃសៅរ៍ ។
ក្រុមនាវិក និងទូករបស់ពួកគេ ត្រូវបានគេនាំយកទៅកាន់កំពង់ផែយោធាមួយរបស់កូរ៉េខាងត្បូង ដើម្បីសាកសួរ។
គេមិនទាន់ដឹងភ្លាមៗទេថាតើ ពួកគេនោះ ជាជនផ្តាច់ខ្លួន ឬឆ្លងចូលព្រំដែនដោយចៃដន្យនោះ។
កាលពីខែមិថុនា ទូកនេសាទមួយគ្រឿងមកពីកូរ៉េខាងជើង ដោយមានបុរស៤នាក់ បានប្រុងឆ្លងចូលសមុទ្រដែលគ្រប់គ្រងយ៉ាងខ្លាំងរវាងប្រទេសទាំងពីរ និងកំពង់ផែដែលមិនអាចស៊ើបការណ៏បាន។ បុរស២នាក់ ត្រូវបានបញ្ជូនត្រលប់ទៅកូរ៉េខាងជើងវិញ ហើយ២នាក់ផ្សេងទៀត បាននិយាយថា ពួកគេចង់ចុះចូល។
ឧត្តមសេនីយម្នាក់របស់កូរ៉េខាងត្បូង ត្រូវបានគេបណ្តេញចេញពីតំណែងដោយសារតែ សភាពធូររលុងនៃសុវត្ថិភាពតាមព្រំដែន។
មានជនស៊ីវិលកូរ៉េខាងជើងជាង៣ម៉ឺននាក់ បានចាកចេញពីមាតុភូមិរបស់ពួកគេ ប៉ុន្តែវាជារឿងកម្ររណាស់ សម្រាប់ពួកគេឆ្លងកាត់ព្រំដែនដីគោកអន្តរកូរ៉េ ដែលមានការយាមកាមការពារយ៉ាងម៉ត់ចត់បែបនេះ ដែលមានបង្កប់ដោយគ្រាប់មីន និងបន្លាលួស។
ជនដែលភៀសខ្លួនភាគច្រើន ឆ្លងកាត់ព្រំប្រទល់ដ៏ធូររលុងជាមួយប្រទេសចិនដែលនៅជាប់នោះ នេះបើតាមការផ្សាយរបស់ Channel News Asia កាលពីថ្ងៃអាទិត្យ។
ដកស្រង់ចេញពីChannel News Asia
ប្រែសម្រួលអត្ថបទដោយ លោក ស្រី គឹម ម៉ូលិដា