កូរ៉េខាងជើង និយាយថាក្តីសង្ឃឹមក្នុងការនិយាយជាមួយសហរដ្ឋអាមេរិក កំពុងថមថយ

សេចក្ដីលម្អិត

ជំពូក៖ ព័ត៌មានអន្តរជាតិ

មន្ត្រីជាន់ខ្ពស់របស់កូរ៉េខាងជើង បានព្រមាននៅថ្ងៃសៅរ៍នេះថា ក្តីសង្ឃឹមសម្រាប់កិច្ចពិភាក្សាជាមួយសហរដ្ឋអាមេរិក កំពុងថមថយហើយទីក្រុងវ៉ាស៊ីនតោន គួរតែត្រូវបានស្តីបន្ទោសចំពោះការជំរុញឱ្យក្រុងព្យុងយ៉ាង ពិចារណាឡើងវិញនូវវិធានការរបស់ខ្លួន។

តាមសេចក្តីថ្លែងការណ៍មួយ ដែលចេញផ្សាយដោយទីភ្នាក់ងារព័ត៌មានមជ្ឈឹមផ្លូវការកូរ៉េ លោកអនុរដ្ឋមន្រ្តីក្រសួងការបរទេសទីមួយ បានចោទប្រកាន់ លោក Mike Pompeo រដ្ឋលេខាធិការក្រសួងការបរទេសសហរដ្ឋអាមេរិក ថានិយាយពាក្យសំដីដែលមិនសមហេតុផលដោយនិយាយថា សហរដ្ឋអាមេរិក បានទទួលស្គាល់ថា“ អាកប្បកិរិយាបញ្ឆោតទាំងឡាយរបស់កូរ៉េខាងជើង មិនអាចត្រូវបានគេព្រងើយកន្តើយឡើយ” ។

សេចក្តីថ្លែងការណ៍នោះ បានសង្កត់ធ្ងន់ថា "លោក Pompeo បានប្រើភាសាហួសហេតុពេកហើយ ហើយវាកាន់តែធ្វើឲ្យបើកកិច្ចចរចារកម្រិតការងាររវាងកូរ៉េខាងជើង និងសហរដ្ឋអាមេរិក មានការលំបាកជាងនេះទៅទៀត។

ក្នុងអំឡុងកិច្ចប្រជុំ មិនចុះសម្រុងរបស់ពួកគេ នៅព្រំដែនអន្តរជាតិកូរ៉េ នៅថ្ងៃទី ៣០ ខែមិថុនា មេដឹកនាំកំពូលកូរ៉េខាងជើង លោកគីមជុងអ៊ុននិងប្រធានាធិបតីអាមេរិកដូណាល់ត្រាំ បានយល់ព្រមបន្តកិច្ចចរចារថ្នាក់ការងារស្តីពីការរំសាយអាវុធនុយក្លេអ៊ែរ នៅលើឧបទ្វីបកូរ៉េដែលបានជាប់គាំង ចាប់តាំងពីកិច្ចប្រជុំកំពូលគ្មានកិច្ចព្រមព្រៀង នៅហាណូយនៅចុងខែកុម្ភៈ នេះបើតាមការផ្សាយរបស់ស៊ិនហួរ កាលពី ថ្ងៃអាទិត្យ។