មន្រ្តីការទូតអាមេរិក ចង់បន្តកិច្ចពិភាក្សាលើបញ្ហាបោះបង្គោលព្រំដែនប្រទេសលីបង់ ជាមួយនឹងប្រទេសអ៊ីស្រាអែល

សេចក្ដីលម្អិត

ជំពូក៖ ព័ត៌មានអន្តរជាតិ

លោក David Schenker ឧបការីរដ្ឋមន្ត្រីក្រសួងការបរទេសអាមេរិក ទទួលបន្ទុកកិច្ចការនៅភាគខាងកើត បានថ្លែងសុន្ទរកថា ក្នុងអំឡុងពេលជួបជាមួយប្រធានាធិបតី Michel Aoun នៅវិមាន Baabda កាលពីថ្ងៃអង្គារ៍ថា អាមេរិក គឺបានត្រៀមរួចជាស្រេច ដើម្បីបន្តកិច្ចពិភាក្សាលើបញ្ហាបោះបង្គោលព្រំដែនរវាងប្រទេលីបង់ និងអ៊ីស្រាអែល។

ប្រធានាធិបតី Aoun បានអំពាវនាវដល់សហរដ្ឋអាមេរិក ឱ្យជួយសម្រួលដល់ការបោះបង្គោលព្រំដែនជាមួយអ៊ីស្រាអែល ជាពិសេសនៅពេលដែលនៅសល់តែពីរបីចំណុច ដែលមិនទាន់សម្រេចទាក់ទងនឹងបញ្ហានេះ។

លោកប្រធានាធិបតី ក៏បានជំរុញឪ្យអ្នកការទូតអាមេរិក ជួយដល់ប្រទេសលីបង់ ក្នុងការធានាឱ្យមានការវិលត្រឡប់មកវិញប្រកបដោយ សុវត្ថិភាពសម្រាប់ជនភៀសខ្លួនស៊ីរី ទៅកាន់ស្រុកកំណើតរបស់ពួកគេ។

លោកថ្លែងថា “ត្រូវតែផ្តល់ការគាំទ្រផ្នែកហិរញ្ញវត្ថុ ដល់ប្រជាជនស៊ីរី ដែលរស់នៅខាងក្នុងប្រទេស ដើម្បីលើកទឹកចិត្តពួកគេត្រឡប់ទៅប្រទេសរបស់ពួកគេវិញ" ។

លោក Schenker បានមកដល់ប្រទេសលីបង់ កាលពីថ្ងៃច័ន្ទសម្រាប់ដំណើរទស្សនកិច្ចផ្លូវការរយៈពេល ២ ថ្ងៃ ដែលលោកបានជួបជាមួយក្រុមមន្ត្រីលីបង់ ដើម្បីពិភាក្សាអំពីប្រធានបទជាច្រើន រួមមានការកំណត់ព្រំដែនព្រំដែនទឹក រវាងប្រទេសលីបង់ និងអ៊ីស្រាអែល នេះបើតាមការផ្សាយរបស់ស៊ិនហួរ កាលពីថ្ងៃព្រហស្បត្តិ៍។