ការរញ្ជួយដី វាយប្រហារតំបន់ Mindanao របស់ហ្វីលីពីន

សេចក្ដីលម្អិត

ជំពូក៖ ព័ត៌មានអន្តរជាតិ

កុមារ៣នាក់ គឺឋិតក្នុងចំណោមមនុស្សធំ៤នាក់ ដែលត្រូវបានសម្លាប់ បន្ទាប់ពីវត្តមានរញ្ជួយដីដ៏មានថាមពលមួយ វាយប្រហារមកលើប្រទេសហ្វីលីពីនភាគខាងត្បូង នេះបើតាមអជ្ញាធរប្រាប់កាលពីថ្ងៃព្រហស្បត្តិ៍។

ការរញ្ជួយដី ដែលមានកម្លាំង ៦.៤ រិកស្ទ័រ បានវាយប្រហារតំបន់ Mindanao ដែលធ្វើឲ្យ១/៣ នៃភាគខាងត្បូងប្រទេសហ្វីលីពីន រងផលខូចខាត កាលពីយប់ថ្ងៃពុធ។

នៅព្រឹកថ្ងៃព្រហស្បតិ៍នេះ អជ្ញាធរមូលដ្ឋានបានបញ្ជាក់ថា មនុស្ស ៤ នាក់ បានស្លាប់បាត់បង់ជីវិត ប៉ុន្តែចំនួនអ្នកស្លាប់ នឹងមិនរំពឹងថា មានការកើនឡើងគួរឱ្យកត់សម្គាល់នោះទេ ដោយមិនមានរបាយការណ៍ពីការស្លាប់ និងរបួសនៅក្នុងទីក្រុងធំៗ របស់ Mindanao ឡើយ។ ប្រទេសហ្វីលីពីន គឺស្ថិតនៅលើកងរង្វង់ភ្លើងប៉ាស៊ីហ្វិកផ្នែកភូមិសាស្ត្រដ៏សកម្ម និងមានការជួបប្រទះបញ្ហារញ្ជួយដីជាញឹកញាប់។