ប្រទេសចិន អះអាងពីចំនួន ២៩១ ករណីនៃជំងឺរលាកសួតនៅ Wuhan
- សេចក្ដីលម្អិត
- ជំពូក៖ ព័ត៌មានអន្តរជាតិ
បើតាមប្រព័ន្ធផ្សព្វផ្សាយរដ្ឋ បានរាយការណ៍ថា ប្រទេសចិន បានអះអាងបញ្ជាក់ពីចំនួន ២៩១ ករណីនៃអ្នកជំងឺ ដែលបានឆ្លងជំងឺ coronavirus ប្រភេទថ្មី កាលពីថ្ងៃច័ន្ទ។
ឥឡូវនេះ មាន២៧០ករណីដែលបានបញ្ជាក់នៅក្នុងខេត្ត Hubei ដែលជាទីប្រជុំជនកណ្តាលទីក្រុង Wuhan ជាកន្លែងដែលអ្នកជំងឺភាគច្រើន រស់នៅ។ ករណីផ្សេងទៀត ត្រូវបានគេរកឃើញនៅទីក្រុងប៉េកាំង ស៊ាងហៃ និងខេត្តក្វាងទុងភាគខាងត្បូង។
មុននេះអជ្ញាធរក្នុងប្រទេសចិន បាននិយាយថា បុគ្គលិកពេទ្យចំនួន ១៥ នាក់ បានឆ្លងមេរោគនេះ និងមនុស្សទី ៤ ម្នាក់បានស្លាប់។ ក៏មានករណីចំនួនពីរ ត្រូវបានគេកំណត់អត្តសញ្ញាណនៅក្នុងប្រទេសថៃ មួយករណីនៅជប៉ុន និងមួយនៅកូរ៉េខាងត្បូង ហើយអជ្ញាធរសុខាភិបាលនៅជុំវិញពិភពលោក បានចាប់ផ្តើមបង្កើនការត្រួតពិនិត្យលើអ្នកដំណើរ ដែលធ្វើដំណើរមកពីប្រទេសចិន។
អជ្ញាធរចិន ក៏បានបញ្ជាក់ជាលើកដំបូងថា វីរុសនេះអាចឆ្លងតាមរយៈការទំនាក់ទំនងរបស់មនុស្ស។វីរុសនេះ អាចបណ្តាលឱ្យមានជំងឺរលាកសួត ដោយមានរោគសញ្ញារួមមានគ្រុនក្តៅ និងពិបាកដកដង្ហើម ព្រោះរោគសញ្ញាទាំងនោះស្រដៀងនឹងជំងឺផ្លូវដង្ហើមជាច្រើនទៀត ដែលតម្រូវឲ្យមានការថតពិនិត្យបន្ថែមទៀត នេះបើតាមការផ្សាយរបស់ Channel News Asia កាលពីថ្ងៃ អង្គារ។