អ្នកជិតខាងបានជួយសង្គ្រោះជីវិតឆ្កែមួយក្បាល ខណៈម្ចាស់របស់វាស្ថិតនៅឯទីក្រុងវូហាននៅឡើយ
- សេចក្ដីលម្អិត
- ជំពូក៖ ព័ត៌មានអន្តរជាតិ
(ចិន)៖ សត្វសុនខមួយក្បាល ត្រូវបានប្រទះឃើញដោយអ្នកស្រី ស៊ី ដែលមានសភាពជាប់ នៅក្នុងអគារលំនៅដ្ឋានតែឯកឯង នៅឯទីក្រុង ហ្គ័ងចូវ ភាគខាងត្បូងនៃខេត្ត ក្វាងទុង ប្រទេសចិន ក្រោយម្ចាស់របស់វា កំពុងជាប់ខ្លួននៅឯទីក្រុងវូហាន ទីដែលកំពុងរងគ្រោះ ដោយមេរោគកូរ៉ូណា Covid-19 នៅឡើយ។
នេះបើយោងតាមប្រភពការផ្សព្វផ្សាយចេញពីសារព័ត៌មាន CGTN កាលពីថ្ងៃទី១៨ ខែកុម្ភៈ ឆ្នាំ២០២០។ នាងបានចាប់ផ្ដើមផ្ដល់ចំណីអាហារដល់សុនខមួយក្បាលនោះ តាមរយៈបង្អួចស្របពេលជាមួយនឹងការព្យាយាមទំនាក់ទំនងទៅកាន់ម្ចាស់របស់វាជារៀងរាល់ថ្ងៃ។
ទីបំផុតម្ចាស់សុនខនោះក៏បានធ្វើការទំនាក់ទំនងត្រឡប់មកវិញ ទៅកាន់ការិយាល័យគ្រប់គ្រងអចលនទ្រព្យនៅទីនោះជាបន្ទាន់ ដើម្បីធ្វើការសង្គ្រោះ និងបញ្ជូនសត្វសុនខមួយក្បាលនេះ ទៅកាន់មណ្ឌលថែទាំសត្វចិញ្ចឹមបន្ត៕
ដកស្រង់ពី៖ Fresh News