ចំនួនអ្នកស្លាប់ដោយ COVID-19 នៅក្នុងប្រទេសកូរ៉េខាងត្បូង កើនដល់២៦នាក់

សេចក្ដីលម្អិត

ជំពូក៖ ព័ត៌មានអន្តរជាតិ

(សេអ៊ូល)៖ មជ្ឈមណ្ឌលគ្រប់គ្រង និងបង្ការជំងឺឆ្លងកូរ៉េខាងត្បូង KCDC បានឱ្យដឹងនៅថ្ងៃចន្ទនេះថា មនុស្ស៤នាក់ បន្ថែមទៀត បានបាត់បង់ជីវិត ដោយសារតែ ជំងឺ COVID-19 ដោយធ្វើឱ្យចំនួនអ្នកស្លាប់ នៅទូទាំងប្រទេសកើនដល់២៦នាក់។

នេះបើតាមការចេញផ្សាយដោយសារព័ត៌មាន CNN នៅថ្ងៃចន្ទ ទី០២ ខែមីនា ឆ្នាំ២០២០។ បើតាម KCDC មនុស្សឆ្លង COVID-19 ក៏បានកើនដល់ ៤,២១២នាក់ ផងដែរ ក្រោយករណីឆ្លង៤៧៦ថ្មី ត្រូវបានរាយការណ៍ ហើយទីក្រុងដេគូ (Daegu) និងខេត្តគ្យុងសាងខាងជើងដែលស្ថិតនៅជាប់របងគ្នា គឺជាតំបន់ដែលរ៉ាប់រងករណីស្ទើរតែទាំងអស់៕

ដកស្រង់ពី៖ Fresh News