តៃវ៉ាន់ មិនមានករណីឆ្លង COVID-19 ក្នុងតំបន់ អស់រយៈពេល ៤៩ ថ្ងៃ
- សេចក្ដីលម្អិត
- ជំពូក៖ ព័ត៌មានអន្តរជាតិ
ទីភ្នាក់ងារត្រួតពិនិត្យជំងឺរាតត្បាតរបស់កោះតៃវ៉ាន់ បានឲ្យដឹងកាលពីថ្ងៃអាទិត្យថា តៃវ៉ាន់ មិនមានករណីឆ្លង COVID-19 ក្នុងតំបន់ អស់រយៈពេល ៤៩ ថ្ងៃមកហើយ។
តាមសេចក្តីប្រកាសព័ត៌មានរបស់ទីភ្នាក់ងារខាងលើ ចំនួនសរុបនៃអ្នកជំងឺ COVID-១៩ នៅតៃវ៉ាន់ មានចំនួន ៤៤២ នាក់ ក្នុងនោះ ៧ នាក់ បានស្លាប់ និង ៤២៣ នាក់ បានជាសះស្បើយឡើងវិញ និង១២នាក់ផ្សេងទៀត កំពុងសម្រាកព្យាបាលនៅក្នុងបន្ទប់ដាច់ដោយឡែក។
ដោយសារតែជំងឺនេះ មានលក្ខណះធូរស្រាល អាជ្ញាធរកោះតៃវ៉ាន់ បានសំរេចចិត្តដកវិធានការណ៍ទប់ស្កាត់ជំងឺមួយចំនួនធំចេញ ចាប់ពីថ្ងៃទី ៧ ខែមិថុនាខាងមុខ រួមទាំងគោលនយោបាយគ្រប់គ្រងចំនួនមនុស្ស សម្រាប់ល្បែងកីឡា និងសកម្មភាពកម្សាន្តនានា នេះបើតាមការផ្សាយរបស់ស៊ិនហួរ-ចិន កាលពីថ្ងៃចន្ទ។