ករណីផ្ទុះបំពង់ហ្គាស នៅកណ្តាលទីក្រុងអ៊ីស្តង់ប៊ុល

សេចក្ដីលម្អិត

ជំពូក៖ ព័ត៌មានអន្តរជាតិ

យ៉ាងហោចណាស់មានមនុស្ស ៦ នាក់ បានរងរបួសកាលពីថ្ងៃសៅរ៍ នៅក្នុងការផ្ទុះបំពង់ហ្គាសមួយកន្លែង នៅកណ្តាលទីក្រុងអ៊ីស្តង់ប៊ុល ប្រទេសទួគី។

បើតាមស្ថានីយទូរទស្សន៍ NTV ក្នុងស្រុក រាយការណ៍មកថា ឧប្បត្តិហេតុនេះបានកើតឡើងនៅអគារមជ្ឈមណ្ឌលពាណិជ្ជកម្មមួយ នៅសង្កាត់ Okmeydani នៅចំហៀងប៉ែកអឺរ៉ុបនៃទីក្រុង។

រថយន្តសង្គ្រោះបន្ទាន់ជាច្រើន ត្រូវបានបញ្ជូនទៅកាន់កន្លែងកើតហេតុ ហើយមូលហេតុនៃការផ្ទុះ មិនទាន់ត្រូវបានគេដឹងច្បាស់នៅឡើយទេ នេះបើតាមការផ្សាយរបស់ស៊ិនហួរ-ចិន កាលពីថ្ងៃចន្ទ។