យោធាស៊ីរី បាញ់សម្លាប់ ក្រុមឧទ្ទាម ៣២នាក់ នៅរដ្ឋធានីដាម៉ាស់

សេចក្ដីលម្អិត

ជំពូក៖ ព័ត៌មានអន្តរជាតិ

ដាម៉ាស់៖ យោងតាម សេចក្ដីរាយការណ៍ ក្នុងស្រុកមួយ បានឲ្យដឹងថា កងកម្លាំង យោធាប្រទេស ស៊ីរី បានបាញ់ សម្លាប់ ក្រុមឧទ្ទាម សកម្មប្រយុទ្ធ រហូតទៅដល់ ៣២នាក់ កាលពីថ្ងៃពុធ ម្សិលមិញនេះ នៅតំបន់ជាយ នៃរដ្ឋធានី ដាម៉ាស់ ។

ទីភ្នាក់ងារ សារព័ត៌មាន ចិន ស៊ិហួ ចេញផ្សាយ ថ្ងៃទី១១ ខែកញ្ញា ឆ្នាំ២០១៤ នេះ ដោយយោងតាម ប្រភព ពីសារព័ត៌មាន រដ្ឋ SANA បានឲ្យដឹងថា ក្រុមឧទ្ទាម ប្រមាណជាង ២០នាក់ ត្រូវបាន សម្លាប់ នៅពេលដែល យោធាស៊ីរី បើកការបាញ់ ផ្លោង ទៅកាន់ តំបន់រស់ នៅរបស់ ក្រុមឧទ្ទាម ស្ថិតនៅក្នុង តំបន់ជនបទ ភាគខាងកើត រដ្ឋធានី ដាម៉ាស់ ។

ប្រភពព័ត៌មាន មួយទៀត បានឲ្យដឹង ផងដែរថា នៅភាគខាងជើង រដ្ឋធានី ដាណាម៉ាស់ នេះដែរ យោធាស៊ីរី បានវាយ ប្រហារ ទៅលើ តំបន់អាល់ ខ្វាឡាមូន ដោយបានសម្លាប់ ក្រុមឧទ្ទាម ចំនួន ១២នាក់ និងរបួស ជាង ២០នាក់ផ្សេងទៀត ។

ក្រោយមក ទីលានជម្លោះ ហិង្សានេះ បានកើតឡើង នៅភាគខាងកើត នៃរដ្ឋធានី ខណៈដែលកង ទ័ពស៊ីរី បានព្យាយាម បណ្ដេញពួក ឧទ្ទាម ចេញពីតំបន់ សំខាន់នេះ និងក្រោយមក ក៏បានវាយ ប្រហារ ដោយកាំភ្លើង ត្បាល់ធុនធ្ងន់ ប្រឆាំង នឹងរដ្ឋាភិបាល ដែលគ្រប់គ្រង នៅក្នុង រដ្ឋធានីនេះ ដោយបន្សល់ទុក មនុស្សជា ច្រើនត្រូវ បានសម្លាប់ និងរងរបួស ៕

ដកស្រង់ពី៖ ដើមអម្ពិល