សហរដ្ឋអាមេរិក៖ មនុស្សជាង ២០ម៉ឺននាក់ឆ្លងកូវីដ-១៩ និងអ្នកជំងឺ ១,៣៩៨នាក់ទៀតស្លាប់ នៅក្នុងពេលតែ១ថ្ងៃ!

សេចក្ដីលម្អិត

ជំពូក៖ ព័ត៌មានអន្តរជាតិ

 (វ៉ាស៊ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ២០១,៣៧៤នាក់ទៀតបានឆ្លង COVID-19 ខណៈអ្នកជំងឺ ១,៣៩៨នាក់ទៀតឯណោះបានស្លាប់ នៅក្នុងរយៈពេលដូចគ្នា នៅទូទាំងសហរដ្ឋអាមេរិក។

នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃអង្គារ ទី០៥ ខែមករា ឆ្នាំ២០២១។

ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ២១,១៦២,៨៨៦ករណី ក្នុងនោះមានអ្នកស្លាប់សរុបចំនួន ៣៦០,១៣៦នាក់ និងជាសះស្បើយឡើងសរុបចំនួន ១២,៤៦០,៣៣៦នាក់។

គួរបញ្ជាក់ថា លោក ចូ បៃដិន ដែលនឹងត្រូវស្បថឡើងកាន់តំណែង ប្រធានាធិបតីអាមេរិក ជាផ្លូវការនៅថ្ងៃទី២០ ខែមករា ឆ្នាំ២០២១ ក៏ធ្លាប់បានលើកឡើងដែរថា លោកនឹងប្រើពេល ១០០ថ្ងៃ ដើម្បីទប់ទល់ការឆ្លងរាតត្បាតវីរុសកូរ៉ូណា ក្នុងនោះមានដូចជាការតម្រូវ ឲ្យពាក់ម៉ាសទូទាំងប្រទេសជាដើម។

ក្រុមរៀបចំពិធីស្បថឡើងកាន់តំណែងរបស់លោក បៃដិន កំពុងត្រៀមរៀបចំ ដើម្បីអនុវត្តវិធានការសុវត្ថិភាព នៅអំឡុងការរៀបចំពិធីទាំងមូល៕

 ដកស្រង់ពី៖ Fresh News