Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ប្រទេសថៃនឹងចាប់ផ្តើមយុទ្ធនាការចាក់វ៉ាក់សាំងដំបូង ដោយប្រើប្រាស់វ៉ាក់សាំងចិន

  • បោះពុម្ព

(បាងកក)៖ ប្រទេសថៃនឹងប្រើប្រាស់ វ៉ាក់សាំងផលិតដោយក្រុមហ៊ុនចិន Sinovac ដើម្បីចាប់ផ្តើមដំណើរការចាក់វ៉ាក់សាំងបង្ការ COVID-19 នៅក្នុងប្រទេសអាស៊ានមួយនេះជាលើកដំបូង ដោយស្ថិតក្នុងគោលដៅចាក់ជូនដល់ប្រជាជន ២ ភាគ ៣ នៃប្រជាជនសរុប ៦៩លាននាក់របស់ខ្លួន (តួលេខដោយ UN នៅឆ្នាំ២០២០) សម្រាប់ដំណាក់កាលទីមួយ។

នេះបើតាមការចេញផ្សាយ ដោយទីភ្នាក់ងារព័ត៌មានចិន ស៊ីនហួរ នារសៀលថ្ងៃពុធ ទី១០ ខែកុម្ភៈ ឆ្នាំ២០២១។ ប្រទេសថៃក៏ត្រូវបានគេមើលឃើញថា នឹងអនុម័តឲ្យប្រើប្រាស់វ៉ាក់សាំងចិន នៅក្នុងករណីបន្ទាន់នៅក្នុងខែកុម្ភៈនេះផងដែរ។

ឧបនាយករដ្ឋមន្ត្រី និងជារដ្ឋមន្ត្រីក្រសួងសុខាភិបាលថៃលោក អនុធីន ឆានវីរៈគុល (Anutin Charnvirakul) ធ្លាប់បានគូសបញ្ជាក់ នៅក្នុងសន្និសីទសារព័ត៌មានមួយ កាលពីដើមសប្តាហ៍នេះថា វ៉ាក់សាំងសាំងបង្ការ COVID-19 របស់ក្រុមហ៊ុនចិន Sinovac ដំណាក់កាលទី ១ នឹងមកដល់នៅអំឡុងខែកុម្ភៈនេះ ដល់ខែមេសា។

គួរបញ្ជាក់ថា ប្រទេសថៃក៏ចាប់ផ្តើមយុទ្ធនាការចាក់វ៉ាក់សាំង COVID-19 មិនខុសពីប្រទេសភាគច្រើន នៅលើពិភពលោកនេះដែរ នោះគឺបុគ្គលិកសុខាភិបាល, ប្រជាជនដែលមានវ័យចំណាស់, ប្រជាជនដែលមានជំងឺរុំារ៉ៃ និងពលករចំណាកស្រុកជាដើម នឹងស្ថិតនៅក្នុងក្រុមមនុស្សមានអាទិភាព ក្នុងការទទួលបានវ៉ាក់សាំងនេះ។ ដោយឡែកវ៉ាក់សាំងបន្តបន្ទាប់ទៀត មកពីក្រុមហ៊ុនអង់គ្លេស AstraZeneca ក៏នឹងមកដល់ប្រទេសថៃផងដែរ នៅចុងឆ្នាំ២០២១។

គិតត្រឹមថ្ងៃពុធនេះ ប្រទេសថៃមានករណីឆ្លង COVID-19 សរុប ២៣,៩០៣ករណី ក្នុងនោះមានអ្នកស្លាប់សរុប ៨០នាក់ និងជាសះស្បើយឡើងវិញ ១៨,៩១៤នាក់៕

ដកស្រង់ពី៖ Fresh News