មនុស្សខ្ទើយ នឹងទទួលស្គាល់ ជាផ្លូវការ ដោយច្បាប់ រដ្ឋធម្មនុញ្ញថៃ ថ្មី

សេចក្ដីលម្អិត

ជំពូក៖ ព័ត៌មានអន្តរជាតិ

បាងកក៖ ព្រះរាជាណាចក្រ ថៃឡង់ដ៍ អាចនឹងទទួលស្គាល់ មនុស្សភេទទីបី ក្នុងច្បាប់រដ្ឋធម្ម នុញ្ញថ្មីរបស់ខ្លួន នាពេលឆាប់ៗ ខាងមុខ ដែលវាជា លើកទីមួយហើយ នៅក្នុងប្រទេស អាស៊ីអាគ្នេយ៍មួយនេះ ។

សារព័ត៌មានស៊ីអិនអិន ចេញផ្សាយនៅថ្ងៃសៅរ៍ ទី១៧ ខែមករា ឆ្នាំ ២០១៥ ដោយបានដក ស្រង់សម្តី របស់លោក ខាំនូន សិទ្ធិសាម៉ាន អ្នកនាំពាក្យ នៃគណកម្មាធិការ ព្រាងច្បាប់រដ្ឋធម្ម នុញ្ញថៃ បានថ្លែងថា “វាជាសិទ្ធិ របស់មនុស្សក្នុងការ ផ្លាស់ប្តូរភេទរបស់ខ្លួន ឬមួយក៏ ដឹកនាំ ជីវិតរបស់ពួកគេ តាមភេទដែល គេចង់បាន ។

” មន្ត្រីដែលទទួលខុសត្រូវ លើការរៀបចំច្បាប់ថ្មី ខាងលើនេះ បន្តទៀតថា “ ប្រជាជនគួរតែមាន សិទ្ធិដូច្នេះ ក្នុងការផ្លាស់ប្តូរភេទ ហើយពួកគេគួរតែត្រូវ បានការពារ ដោយរដ្ឋធម្មនុញ្ញ និង ច្បាប់ដែលការពារ នៃសិទ្ធិស្មើភាពគ្នា ។

” គួរបញ្ជាក់ថា មនុស្សភេទទីបី គឺសំដៅទៅលើ ជនណាក៏ដោយ ដែលមិនអាច កំណត់បានថា ជាប្រុស ឬ មួយក៏ស្រីឲ្យពិតប្រាកដ ។ កន្លងមកជំពូក មនុស្សទាំងនេះ មិនត្រូវបានបញ្ជាក់ ឬ កំណត់នៅក្នុងច្បាប់នោះទេ ប៉ុន្តែចាប់ពីពេលនេះតទៅ ច្បាប់ប្រទេសថៃ នឹងទទួលស្គាល់ ពួកគេពេញមុខមាត់ថា ជាមនុស្សមានភេទទីបី ដូចជាភេទរបស់ មនុស្សប្រុស និង មនុស្សស្រីដែរ ៕

 ដកស្រង់ពី៖ដើមអម្ពិល