កូរ៉េខាងត្បូង យល់ព្រមបង្កើនចំនួន ១៣,៩% នៃចំណែកចំណាយរបស់ខ្លួនសម្រាប់កងទ័ពអាមេរិក

សេចក្ដីលម្អិត

ជំពូក៖ ព័ត៌មានអន្តរជាតិ

ក្រសួងការបរទេសកូរ៉េខាងត្បូង បានបង្ហើបឲ្យដឹងកាលពីថ្ងៃពុធថា ប្រទេសខ្លួនបានយល់ព្រមបង្កើន ១៣,៩ % នៃការរួមចំណែករបស់ខ្លួន ក្នុងការចំណាយលើការទទួលកងទ័ពអាមេរិកចំនួន ២៨.៥០០ នាក់ សម្រាប់ឆ្នាំ ២០២១ ដែលជាការកើនឡើងប្រចាំឆ្នាំដ៏ធំបំផុត ក្នុងរយៈពេលជិតពីរទសវត្សរ៍មកនេះ។

ការកើនឡើងនេះ នឹងចូលរួមវិភាគទានរបស់កូរ៉េខាងត្បូងនៅឆ្នាំនេះ ដល់ ១,១៨ សែនកោដិវ៉ុន (ស្មើនឹង១,០៣ ពាន់លានដុល្លារ) ដែលសម័យអតីតប្រធានាធិបតីអាមេរិកលោក Donald Trump បានទាមទារឱ្យកូរ៉េខាងត្បូងចំណាយប្រាក់ចំនួន ៥ ពាន់លានដុល្លារអាមេរិកក្នុងមួយឆ្នាំ។

ពោលកិច្ចព្រមព្រៀងនេះ បានដោះស្រាយភាពខ្វះចន្លោះដែលមានរយៈពេលប្រហែលមួយឆ្នាំ និង ៣ ខែ។ "វា បានផ្តល់ឱកាស ដើម្បីបញ្ជាក់សារឡើងវិញពីសារៈសំខាន់នៃសម្ព័ន្ធមិត្ត និងតម្រូវការសម្រាប់ការឈរជើង មានស្ថេរភាពនៃកងទ័ពអាមេរិកនៅកូរ៉េ" ។

កងទ័ពអាមេរិកប្រមាណ ២៨.៥០០ នាក់ កំពុងឈរជើងនៅប្រទេសកូរ៉េខាងត្បូងដើម្បីជួយការពារប្រទេសនេះប្រឆាំងនឹងកូរ៉េខាងជើង។ សង្គ្រាមកូរ៉េឆ្នាំ ១៩៥០-៥៣ បានបញ្ចប់ដោយបទឈប់បាញ់ មិនមែនសន្ធិសញ្ញាសន្តិភាពទេ នេះបើតាមការផ្សាយរបស់ CNA/Reuter កាលពីថ្ងៃពុធ។