ម៉ាឡេស៊ីបន្តរកឃើញអ្នកឆ្លងកូវីដ១៩ថ្មីៗចំនួន ៧,១០៥ករណី និងស្លាប់៧១នាក់ទៀតនៅថ្ងៃនេះ

សេចក្ដីលម្អិត

ជំពូក៖ ព័ត៌មានអន្តរជាតិ

 (គូឡាឡាំពួរ)៖ អាជ្ញាធរសុខាភិបាលម៉ាឡេសុីបានរាយការណ៍ឲ្យដឹងថា ប្រទេសម៉ាឡេស៊ីបានកត់ត្រាករណីឆ្លងកូវីដ១៩ ចំនួន ៧,១០៥នាក់បន្ថែមទៀតនៅក្នុងរបាយការណ៍ថ្ងៃអង្គារនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ។

រដ្ឋមន្ត្រីក្រសួងសុខាភិបាលម៉ាឡេស៊ីលោក Noor Hisham Abdullah បានគូសបញ្ជាក់ថា ក្នុងចំណោមករណីឆ្លងថ្មីខាងលើមានតែ ២ករណីប៉ុណ្ណោះជាករណីនាំចូល ដោយករណីសហគមន៍មានចំនួន ៧,១០៣នាក់។

ក្នុងរយៈពេលដូចគ្នានេះម៉ាឡេស៊ីក៏បានរកឃើញករណីអ្នកស្លាប់ដោយសារជំងឺដ៏កាចសាហាវនេះចំនួន ៧១នាក់ផងដែរ។ជាសរុប ប្រទេសអាស៊ានមួយនេះមានករណីឆ្លង ៥៧៩,៤៦២ករណី ក្នុងនោះស្លាប់ ២,៨៦៧នាក់ និងជាសះស្បើយ ៤៩៦,១២១នាក់ ឬស្មើនឹង ៨៥.៦%។

គួរបញ្ជាក់ថា ម៉ាឡេស៊ីនៅថ្ងៃអង្គារនេះបានចាប់ផ្តើមអនុវត្តវិធានការ Lockdown នៅទូទាំងប្រទេសរយៈពេល ២សប្តាហ៍ ដោយអនុញ្ញាតតែវិស័យសំខាន់ៗប៉ណ្ណោះទើបអាចដំណើរការបាន៕

ដកស្រង់ពី៖ Fresh News