ប្រទេសអូស្រ្តាលី អនុម័តវ៉ាក់សាំង COVID-19 Pfizer-BioNTech សម្រាប់កុមារដែលមានអាយុពី ១២ ទៅ ១៥ ឆ្នាំ

សេចក្ដីលម្អិត

ជំពូក៖ ព័ត៌មានអន្តរជាតិ

 រដ្ឋមន្រ្តីក្រសួងសុខាភិបាលសហព័ន្ធ បាននិយាយនៅថ្ងៃសុក្រនេះថា និយ៍តករឪសថរបស់អូស្រ្តាលី បានអនុម័តវ៉ាក់សាំង Pfizer-BioNTech សម្រាប់ការប្រើប្រាស់លើកុមារ ដែលមានអាយុពី ១២ ទៅ ១៥ ឆ្នាំ ខណៈប្រទេសនេះ ប្រយុទ្ធប្រឆាំងនឹងការផ្ទុះឡើងនៃវីរុសបម្លែង Deltaនៅក្នុងរដ្ឋចំនួន ៣ ។

រដ្ឋបាលទំនិញខាងវិធីព្យាបាលរោគ បានវាយតម្លៃយ៉ាងហ្មត់ចត់នូវភស្តុតាងក្នុងស្រុក និងអន្តរជាតិ មុនពេលពង្រីកការអនុម៍តរបស់ខ្លួនសម្រាប់វ៉ាក់សាំង Pfizer-BioNTech ដើម្បីផ្តល់ដល់ក្រុមអាយុនេះ។ ការបោសសំអាតស្រដៀងគ្នា សម្រាប់ការប្រើប្រាស់វ៉ាក់សាំងលើកុមារ ត្រូវបានអនុម័តជាច្រើនសប្តាហ៍មុន ដោយនិយតករនៅសហរដ្ឋអាមេរិក សហភាពអឺរ៉ុប និងអង់គ្លេស។

រហូតមកដល់ពេលនេះ វ៉ាក់សាំង Pfizer-BioNTech ទើបតែត្រូវបានអនុញ្ញាតអោយប្រើប្រាស់នៅក្នុងប្រទេសអូស្ត្រាលី សម្រាប់មនុស្សដែលមានអាយុចាប់ពី ១៦ ឆ្នាំឡើងទៅ។

ក្រុមការងារចាក់វ៉ាក់សាំងរបស់អូស្រ្តាលី នឹងផ្តល់ប្រឹក្សាដល់ក្រុមកុមារណា ដែលគួរតែត្រូវបានផ្តល់អាទិភាព សម្រាប់ការចាក់វ៉ាក់សាំងនេះ ហើយនៅពេលណា ដែលគួរតែត្រូវបានអនុវត្ត។

ដោយមានករណីឆ្លង ជាង ៣២.៤០០ ករណី និងមានអ្នកស្លាប់ ៩១៥ នាក់ អូស្ត្រាលីបានដោះស្រាយជំងឺរាតត្បាតនេះ ប្រសើរជាងប្រទេសអភិវឌ្ឍន៍ដទៃទៀត ប៉ុន្តែការបិទខ្ទប់បើក និងបិទ និងការចាក់វ៉ាក់សាំងយឺតៗ បានធ្វើឱ្យមានការខកចិត្តពីប្រជាជន នេះបើតាមការផ្សាយរបស់ CNA/Reuters នៅថ្ងៃសុក្រនេះ។