អាមេរិក ច្រានចោលផែនការបោះឆ្នោតមីយ៉ាន់ម៉ាជំរុញឱ្យមានការដាក់សម្ពាធពីអាស៊ាន

សេចក្ដីលម្អិត

ជំពូក៖ ព័ត៌មានអន្តរជាតិ

សហរដ្ឋអាមេរិក បាននិយាយកាលពីថ្ងៃច័ន្ទថា របបយោធាមីយ៉ាន់ម៉ា កំពុងលេងជាមួយពេលវេលានៃការបោះឆ្នោតអណ្ណាតិ ២ ឆ្នាំម្តង ខណៈដែលរដ្ឋមន្រ្តីក្រសួងការបរទេសអាមេរិក Antony Blinken បានត្រៀមលើកទឹកចិត្តអាស៊ាន ឱ្យតែងតាំងបេសកជនម្នាក់។

Blinken ត្រៀមចូលរួមកិច្ចពិភាក្សាវីដេអូជាមួយរដ្ឋមន្ត្រីការបរទេស នៃសមាគមប្រជាជាតិអាស៊ីអាគ្នេយ៍ ក្នុងរយះពេល១សប្តាហ ដែលជាគោលការណ៍ថ្មីៗចេញដោយរដ្ឋបាលរបស់ប្រធានាធិបតី Joe Biden ដើម្បីចូលរួមក្នុងតំបន់ នៅជួរមុខនៃការប្រកួតប្រជែងរបស់អាមេរិកជាមួយចិន។

នៅចំពោះមុខកិច្ចពិភាក្សាអាស៊ាន ប្រមុខរបបយោធាមីយ៉ាន់ម៉ា បានសន្យាថា នឹងរៀបចំការបោះឆ្នោត និងលើកស្ថានភាពគ្រាអាសន្នត្រឹមខែសីហាឆ្នាំ ២០២៣ ដោយពន្យារគម្រោងពេល ដំបូង ដែលបានផ្តល់ឱ្យ នៅពេលដែលយោធាទម្លាក់លោកស្រីអ៊ុង សានស៊ូជី នៅថ្ងៃទី ១ ខែកុម្ភៈ។

សេចក្តីប្រកាសនេះ គឺជាការអំពាវនាវឱ្យអាស៊ាន ត្រូវបង្កើនកិច្ចខិតខំប្រឹងប្រែងរបស់ខ្លួនព្រោះវាច្បាស់ណាស់ថា របបយោធាភូមា គ្រាន់តែចង់ពន្យាពេលមួយរយៈ ហើយចង់រក្សាកាលកំណត់ឱ្យបានយូរ ដើម្បីផលប្រយោជន៍ផ្ទាល់ខ្លួន នេះបើតាមសំដីរបស់មន្រ្តីជាន់ខ្ពស់អាមេរិក។

មេបញ្ជាការរបបយោធា លោក Min Aung Hlaing បានចូលរួមកិច្ចប្រជុំជាមួយសមាជិកអាស៊ានស្តីពីវិបត្តិ កាលពីខែមេសា ដែលនាំឱ្យមានសេចក្តីថ្លែងការណ៍រួមគ្នា អំពាវនាវឱ្យបញ្ឈប់អំពើហិង្សាជាបន្ទាន់ និងមានបេសកជនពិសេសប្រចាំតំបន់មួយរួប។

ប៉ុន្តែក្រោយមកមេដឹកនាំរបបយោធា បានឃ្លាតឆ្ងាយពីសេចក្តីថ្លែងការណ៍នេះ ដោយគ្មានបេសកជន ត្រូវបានតែងតាំង ហើយមនុស្សជាង ៩០០ នាក់ ត្រូវបានគេរាយការណ៍ថាបានស្លាប់នៅក្នុងការបង្ក្រាបរយៈពេល ៦ ខែលើការប្រឆាំង។

អាស៊ាន មិនត្រូវបានគេស្គាល់ចំពោះភាពតានតឹងផ្នែកការទូតរួមគ្នានោះទេ ហើយកិច្ចប្រជុំរបស់ខ្លួនជារឿយៗ បានធ្វើឱ្យសហរដ្ឋអាមេរិក និងចិន ប្រឆាំងគ្នាទៅវិញទៅមក នៅពេលពួកគេស្វែងរកឥទ្ធិពល នេះបើតាមការផ្សាយរបស់ CNA/AFP នៅព្រឹកថ្ងៃអង្គារនេះ។