កូរ៉េខាងជើង រិះគន់អង់គ្លេសចំពោះផែនការពង្រាយនាវាចម្បាំងនៅអាស៊ីNorth
- សេចក្ដីលម្អិត
- ជំពូក៖ ព័ត៌មានអន្តរជាតិ
កូរ៉េខាងជើង បានរិះគន់ប្រទេសអង់គ្លេសកាលពីថ្ងៃអង្គារ ចំពោះផែនការដាក់ពង្រាយនាវាចម្បាំងពីរគ្រឿងនៅតំបន់អាស៊ីប៉ាស៊ីហ្វិកនៅឆ្នាំនេះ ដោយហៅទង្វើនេះថា ជាការបង្កហេតុ។
ផែនការនេះ កើតឡើងនៅពេលទីក្រុងឡុងដ៍បង្កើនការចូលរួមរបស់ខ្លួននៅអាស៊ី បន្ទាប់ពីបានបង្ហាញពីកំណើនព្រួយបារម្ភ ក្នុងរយៈពេលប៉ុន្មានខែចុងក្រោយនេះ អំពីមហិច្ឆតាទឹកដីរបស់ចិននៅក្នុងតំបន់ រួមទាំងកោះតៃវ៉ាន់។
រដ្ឋ ដែលមិនសេពគប់ជាមួយអ្នកណានៅអាស៊ីមួយនេះ បាននិយាយថា ព័ត៌មាននៃផែនការនេះ កើតឡើងស្របពេលនឹងដំណើររបស់នាវាផ្ទុកយន្តហោះអង់គ្លេស Queen Elizabeth និងនាវាអមដំណើររបស់ខ្លួន ឆ្លងកាត់ដែនសមុទ្រ ដែលប្រទេសចិន កំពុងប្រជែងយកឥទ្ធិពលជាមួយសហរដ្ឋអាមេរិក និងជប៉ុន។
មន្ត្រីកូរ៉េខាងជើងម្នាក់ បានរិះគន់ការអត្ថាធិប្បាយរបស់រដ្ឋមន្ត្រីការពារជាតិអង់គ្លេស លោក Ben Wallace ដែលបានបង្ហាញថា កូរ៉េខាងជើង និងចិន កំពុងព្យាយាមផ្តាច់ខ្លួនជប៉ុន និងកូរ៉េខាងត្បូង និងគំរាមកំហែងដល់សេរីភាពនាវាចរណ៍នៅក្នុងតំបន់ឥណ្ឌូប៉ាស៊ីហ្វិក។
មន្ត្រីរូបនេះ បាននិយាយនៅក្នុងសេចក្តីថ្លែងការណ៍មួយនៅលើក្រសួងការបរទេសថា “វាគឺជាការបង្កហេតុមួយប្រឆាំងនឹងយើង ដែលចក្រភពអង់គ្លេស កំពុងបង្កើនស្ថានការណ៍ ដោយការបើកនាវាចម្បាំងរបស់ខ្លួន ចូលទៅក្នុងតំបន់អាស៊ីប៉ាស៊ីហ្វិក គឺកំពុងញុះញុង “ការគំរាមកំហែង” របស់យើង មកធ្វើជាលេសមួយ។
"ទង្វើនេះ នឹងនាំឱ្យមានការតស៊ូយ៉ាងខ្លាំងពីបណ្តាប្រទេសក្នុងតំបន់ និងភាពតានតឹង នៅក្នុងស្ថានភាពតំបន់ ដែលមានភាពរសើបរួចទៅហើយ" ។ ស្ថានទូតអង់គ្លេសប្រចាំទីក្រុង Seoul មិនអាចទំនាក់ទំនងសុំការអត្ថាធិប្បាយបានទេ នេះបើតាមការផ្សាយរបស់ CNA/Reuters កាលពីថ្ងៃអង្គារ-ម្សិលមិញ។