ប្រទេសថៃ ត្រៀមខ្លួនចូលរៀនវិញជាមួយនឹងវិធានការ COVID-19 តឹងរ៉ឹង

សេចក្ដីលម្អិត

ជំពូក៖ ព័ត៌មានអន្តរជាតិ

 ប្រទេសថៃ បានដាក់ចេញនូវវិធានការណ៍ទប់ទល់នឹងជំងឺកូវីដ ១៩ យ៉ាងតឹងរ៉ឹង កាលពីថ្ងៃអង្គារទី ១៤ ខែកញ្ញានេះ ដើម្បីត្រៀមចូលរៀនឡើងវិញនៅតាមសាលារៀន។

ត្រូវបានគេស្គាល់ថា ជាតំបន់សុវត្ថិភាព Sandbox (SSS) នៅក្នុងសាលា គំនិតផ្តួចផ្តើមនេះ ត្រូវបានបង្កើតរួមគ្នាដោយក្រសួងអប់រំ និងក្រសួងសុខភាពសាធារណៈ។ វិធានការនេះ មានគោលបំណងបង្កើតតំបន់សុវត្ថិភាពនៅក្នុងវិទ្យាស្ថានអប់រំ នៅពេលដែលពួកវា ត្រូវបានអនុញ្ញាតឱ្យបន្តប្រតិបត្តិការនៅនឹងកន្លែង។

សាលារៀនជាច្រើននៅក្នុងប្រទេសថៃ នៅតែត្រូវបិទទ្វារជាច្រើនខែ ដោយសារការរីករាលដាលនៃជំងឺកូវីដ ១៩។ ទោះយ៉ាងណា ការសិក្សានៅនឹងកន្លែង ត្រូវបានរំពឹងថា នឹងចាប់ផ្តើមឡើងវិញនៅឆមាសទី ២ ក្នុងខែវិច្ឆិកា ដោយសាររដ្ឋាភិបាល មានគម្រោងចាក់វ៉ាក់សាំងកុមារចំនួន ៤.៥ លាននាក់ ដែលមានអាយុចន្លោះពី ១២ ទៅ ១៧ ខែនៅខែក្រោយ។

ក្រោមគំនិតផ្តួចផ្តើម SSS វិទ្យាស្ថានអប់រំនានា នឹងត្រូវបានចាត់ថ្នាក់ទៅតាមសភាពឆ្លងធ្ងន់ធ្ងរ នៅតាមខេត្តរៀងៗខ្លួន ចាប់ពីពណ៌បៃតង ទៅលឿង ទឹកក្រូច ក្រហម និងក្រហមជាំ។ ប្រភេទនីមួយៗ នឹងមានវិធានការណ៍គ្រប់គ្រងជំងឺកូវីដ ១៩ ខុសៗគ្នា។

ទាំងនេះ រួមបញ្ចូលតម្រូវការសម្រាប់គ្រឹះស្ថានអប់រំ វាយតម្លៃពីការត្រៀមខ្លួនរបស់ពួកគេសម្រាប់ការអប់រំនៅនឹងកន្លែង ដោយផ្អែកលើគោលការណ៍ណែនាំ ដែលផ្តល់ដោយនាយកដ្ឋានសុខាភិបាល និងដើម្បីអនុវត្តសកម្មភាពសិក្សាជាក្រុមតូចៗ។

មុនពេលការរៀនសូត្រនៅនឹងកន្លែង អាចបន្តបាន សាលារៀននីមួយៗ ក៏ត្រូវធានាថា យ៉ាងហោចណាស់ ៨៥ ភាគរយនៃគ្រូបង្រៀន និងបុគ្គលិក ត្រូវបានចាក់វ៉ាក់សាំង។

ប្រសិនបើរកឃើញការឆ្លងមេរោគ សាលារៀន ត្រូវអនុវត្តតាមយ៉ាងមុតមាំនូវផែនការសកម្មភាពរបស់ក្រសួងសុខាភិបាល។ សម្រាប់សាលារៀន ដែលស្ថិតនៅក្នុងតំបន់ ដែលមានហានិភ័យខ្ពស់ ដូចជាទីក្រុងបាងកក នឹងត្រូវធ្វើតេស្តរកមេរោគកូវីដ -១៩ យ៉ាងរហ័សមួយ ឬពីរដងក្នុងមួយសប្តាហ៍។

ពួកគេ ក៏ត្រូវចេញលិខិតសម្រាប់សិស្ស គ្រូ និងបុគ្គលិកអប់រំគ្រប់រូប សម្រាប់គោលបំណងពិនិត្យ និងតាមដាន នេះបើតាមការផ្សាយរបស់ CNA សឹង្ហបុរី នៅថ្ងៃពុធនេះ។