ឥណ្ឌា នឹងផ្លាស់ប្តូរពលករចំណាកស្រុកមួយចំនួន នៅ Kashmir ទៅកាន់ជំរុំកងទ័ព បន្ទាប់ពីការសម្លាប់

សេចក្ដីលម្អិត

ជំពូក៖ ព័ត៌មានអន្តរជាតិ

មេប៉ូលិសឥណ្ឌានៅតំបន់ជម្លោះខាងឥណ្ឌា បានឲ្យដឹងកាលថ្ងៃអាទិត្យថា ពលករចំណាកស្រុកឥណ្ឌា ដែលងាយរងគ្រោះនៅ Kashmir នឹងត្រូវផ្លាស់ទៅជំរុំកងទ័ព និងប៉ូលីស ដើម្បីការពារ បន្ទាប់ពីមនុស្សជាច្រើន ត្រូវបានសម្លាប់ដោយពួកសកម្មប្រយុទ្ធ។

វាមិនច្បាស់ភ្លាមៗទេ ថាតើជនជាតិឥណ្ឌារាប់ម៉ឺននាក់ មកពីរដ្ឋផ្សេងទៀត ដែលកំពុងធ្វើការនៅ Kashmir អាចនឹងរងផលប៉ះពាល់ ឬត្រូវបង្ខាំងនៅក្នុងជំរំ ឬក៏ការណែនាំនោះ ជាកាតព្វកិច្ច។

មិនទាន់មានអ្នកណា អះអាងទទួលខុសត្រូវចំពោះការសម្លាប់កាលពីថ្ងៃអាទិត្យ ឬក៏ហេតុការណ៍មួយកាលពីថ្ងៃមុន ដែលកម្មករចំណាកស្រុកពីរនាក់ផ្សេងទៀត ត្រូវបានគេបាញ់សម្លាប់ Kashmir ជាតំបន់មានប្រជាជនមូស្លីមរស់នៅភាគច្រើន ត្រូវបានទាមទារដោយប្រទេសឥណ្ឌានិងប៉ាគីស្ថាន ប៉ុន្តែត្រូវបានបែងចែករវាងពួកគេ។

ផ្នែកដែលគ្រប់គ្រងដោយឥណ្ឌា ត្រូវបានមើលឃើញពីការបះបោរប្រដាប់អាវុធ រាប់ទសវត្សមកហើយ ប៉ុន្តែទើបតែចាប់ផ្តើម ផ្តោតលើពលករចំណាកស្រុកក្នុងរយៈពេលប៉ុន្មានសប្តាហ៍ថ្មីៗនេះទេ។ទីក្រុង New Delhi បានចោទទីក្រុង Islamabad ថា គាំទ្រក្រុមសកម្មប្រយុទ្ធ។

តែប៉ាគីស្ថានបដិសេធការចោទប្រកាន់នេះ ដោយនិយាយថាខ្លួន គ្រាន់តែផ្តល់ការគាំទ្រផ្នែកការទូត និងសីលធម៌ដល់ប្រជាជន Kashmiri ប៉ុណ្ណោះ នេះបើតាមការផ្សាយរបស់ CNA/Reuters នៅថ្ងៃចន្ទ នេះ។