ទីក្រុងប៉េកាំង ណែនាំវិធានការ COVID-19 បន្ថែមទៀត ខណៈករណីឆ្លង កើនឡើងមុនព្រឹត្តិការណ៍កីឡាអូឡាំពិក
- សេចក្ដីលម្អិត
- ជំពូក៖ ព័ត៌មានអន្តរជាតិ
រដ្ឋាភិបាលទីក្រុងប៉េកាំង កាលពីថ្ងៃអាទិត្យ (២៣ មករា) បានណែនាំវិធានការថ្មីៗ ដើម្បីទប់ស្កាត់ការផ្ទុះឡើងនៃជំងឺ COVID-19 នាពេលថ្មីៗនេះ ខណៈដែលរដ្ឋធានីរបស់ប្រទេសចិនមួយនេះ បានបន្តរាយការណ៍ករណីឆ្លងថ្មីនៃមេរោគក្នុងស្រុក តិចជាងពីរសប្តាហ៍ មុនពេលខ្លួន ធ្វើជាម្ចាស់ផ្ទះកីឡាអូឡាំពិករដូវរងា។
គណៈកម្មការសុខភាពជាតិចិន បាននិយាយកាលពីថ្ងៃអាទិត្យថា ករណីឆ្លងក្នុងស្រុកចំនួន៩ ត្រូវបានរកឃើញនៅក្នុងទីក្រុងប៉េកាំង កាលពីថ្ងៃទី 22 ខែមករា ដែលក្នុងនោះ មាន៦នាក់នៅក្នុងស្រុក Fengtai នៃទីក្រុង។
អាជ្ញាធរសុខាភិបាលស្រុក បាននិយាយថា ស្រុក Fengtai បានរៀបចំការធ្វើតេស្តអាស៊ីត nucleic សម្រាប់រក COVID-19លើប្រជាជនរបស់ខ្លួនទាំងអស់ កាលពីថ្ងៃអាទិត្យ។
អាជ្ញាធរក្នុងតំបន់ បាននិយាយនៅក្នុងសេចក្តីថ្លែងការណ៍មួយកាលពីថ្ងៃសៅរ៍ថា ទីក្រុងប៉េកាំងក៏បានស្នើឱ្យអ្នកស្រុកធ្វើការធ្វើតេស្តអាស៊ីត nucleic យ៉ាងសកម្ម ប្រសិនបើពួកគេរកឃើញថាពួកគេមានរោគសញ្ញាស្រដៀងនឹង COVID-19 ក្នុងរយៈពេល 14 ថ្ងៃ បន្ទាប់ពីការទទួលបានការដឹកជញ្ជូនណាមួយពីក្រៅប្រទេស។
អាជ្ញាធរ បានស្នើថា ករណីដំបូងរបស់ទីក្រុងប៉េកាំងនៃវ៉ារ្យ៉ង់ Omicron អាចមកដល់តាមរយៈកញ្ចប់មួយពីប្រទេសកាណាដា។ គណៈកម្មាធិការសុខភាពជាតិចិន បាននិយាយថា ប្រទេសចិន មានករណីឆ្លង COVID-19 ថ្មីចំនួន 56 នាក់ នៅថ្ងៃទី 22 ខែមករា ពោលគឺ បានធ្លាក់ចុះពីចំនួន 63 កាលពីមួយថ្ងៃមុននេះ ។
ក្នុងចំណោមករណីឆ្លងថ្មី 19 នាក់ គឺត្រូវបានចម្លងក្នុងស្រុក ធៀបនឹងចំនួន 23 នាក់ កាលពីមួយថ្ងៃមុន។ មិនមានអ្នកស្លាប់ថ្មីទេ ដែលធ្វើឱ្យចំនួនអ្នកស្លាប់កើនដល់ ៤.៦៣៦នាក់។ គិតត្រឹមថ្ងៃទី 22 ខែមករា ប្រទេសចិន បានបញ្ជាក់ពីករណីឆ្លងចំនួន 105,603 នាក់ នេះបើតាមការផ្សាយរបស់ CNA/Reuters កាលពីយប់ថ្ងៃអាទិត្យ។