រុស្ស៊ីពិន័យ Google ជុំវិញព័ត៌មានក្លែងក្លាយរបស់ YouTube

សេចក្ដីលម្អិត

ជំពូក៖ ព័ត៌មានអន្តរជាតិ

ទីភ្នាក់ងារព័ត៌មាន TASS បានផ្សាយកាលពីថ្ងៃព្រហស្បតិ៍ (21 មេសា) ថា ប្រទេសរុស្ស៊ី បានពិន័យ Google របស់ក្រុមហ៊ុន Alphabet Inc ចំនួន 4 លានរូប្លែ (50,000 ដុល្លារអាមេរិក) សម្រាប់ការខកខានក្នុងការលុបចោលនូវអ្វី ដែលខ្លួនហៅថា ព័ត៌មាន "ក្លែងក្លាយ" អំពីប្រតិបត្តិការពិសេសរបស់ខ្លួននៅក្នុងប្រទេសអ៊ុយក្រែន។

ក្រុមឃ្លាំមើលផ្នែកទំនាក់ទំនងរបស់រុស្ស៊ី បាននិយាយកាលពីដើមខែនេះថា ខ្លួន កំពុងចាត់វិធានការដាក់ទណ្ឌកម្ម Google សម្រាប់ "ការផ្សព្វផ្សាយក្លែងក្លាយ" នៅលើ YouTube ហើយពីមុន ក៏បានព្រមានក្រុមហ៊ុនអាមេរិកថា ក្រុមហ៊ុន នឹងត្រូវផាកពិន័យ ប្រសិនបើមិនអនុវត្តតាម។

រុស្ស៊ី បានបញ្ជូនទាហានរាប់ម៉ឺននាក់ចូលទៅក្នុងប្រទេសអ៊ុយក្រែន កាលពីថ្ងៃទី 24 ខែកុម្ភៈ ក្នុងអ្វីដែលខ្លួនហៅថា ជាប្រតិបត្តិការពិសេសមួយ ដើម្បីបន្ទាបបន្ថោកសមត្ថភាពយោធារបស់ប្រទេសជិតខាងភាគខាងត្បូងរបស់ខ្លួន និងកម្ចាត់មនុស្ស ដែលខ្លួនហៅថា អ្នកជាតិនិយមដ៏គ្រោះថ្នាក់ នេះបើតាមការផ្សាយរបស់ Reuters កាលពីថ្ងៃព្រហ.។