លោក Biden នឹងធ្វើដំណើរទៅកាន់កូរ៉េខាងត្បូង និងជប៉ុនក្នុងខែឧសភា

សេចក្ដីលម្អិត

ជំពូក៖ ព័ត៌មានអន្តរជាតិ

 សេតវិមាន បានប្រកាសនៅថ្ងៃព្រហ. ម្សិលមិញថា ប្រធានាធិបតីអាមេរិកលោក Joe Biden នឹងធ្វើដំណើរទៅកាន់កូរ៉េខាងត្បូង និងជប៉ុន ក្នុងខែឧសភាខាងមុខ ដើម្បីបំពេញទស្សនកិច្ចទៅកាន់សម្ព័ន្ធមិត្តអាស៊ីសំខាន់ពីររបស់ទីក្រុងវ៉ាស៊ីនតោន ចំពេលមានភាពតានតឹងជាមួយគូប្រជែងចិន និងសត្រូវក្នុងតំបន់-កូរ៉េខាងជើង។

ក្នុងអំឡុងពេលនៃដំណើរទស្សនកិច្ច ចាប់ពីថ្ងៃទី 20 ដល់ថ្ងៃទី 24 ខែឧសភា លោក Biden នឹងជួបជាមួយមេដឹកនាំនៃប្រទេសទាំងពីរ ក្នុងគោលបំណងបង្កើន "ការប្តេជ្ញាចិត្តដ៏រឹងមាំរបស់រដ្ឋបាលរបស់លោក ចំពោះឥណ្ឌូប៉ាស៊ីហ្វិកសេរី និងបើកចំហ និងសម្ព័ន្ធភាពសន្ធិសញ្ញារបស់សហរដ្ឋអាមេរិកជាមួយសាធារណរដ្ឋកូរ៉េ និងជប៉ុន នេះបើតាមរដ្ឋមន្រ្តីសារព័ត៌មាន Jen Psaki ថ្លែងក្នុងសេចក្តីថ្លែងការណ៍មួយ។

នៅទីក្រុងតូក្យូ លោក Biden ក៏នឹងជួបជាមួយមេដឹកនាំនៃក្រុម Quad ដែលរួមមានប្រទេសអូស្ត្រាលី ជប៉ុន និងឥណ្ឌា ហើយត្រូវបានគេមើលឃើញថា ជារបងការពារប្រឆាំងនឹងប្រទេសចិន ដែលកាន់តែខ្លាំងឡើងៗ។ រដ្ឋបាល Biden បានកំណត់លក្ខណៈតំបន់អាស៊ីប៉ាស៊ីហ្វិកម្តងហើយម្តងទៀត ជាពិសេសការលេចធ្លោនៃប្រទេសចិនកុម្មុយនិស្ត ជាបញ្ហាយុទ្ធសាស្ត្រលេខមួយសម្រាប់សហរដ្ឋអាមេរិក។

ដំណើរទស្សនកិច្ចនេះ ក៏កើតឡើងផងដែរ បន្ទាប់ពីមេដឹកនាំកូរ៉េខាងជើង លោក គីម ជុងអ៊ុន បានបាញ់សាកល្បងអាវុធហាមឃាត់មួយចំនួនក្នុងឆ្នាំនេះ ខណៈមិនអើពើនឹងសំណើកិច្ចពិភាក្សារបស់សហរដ្ឋអាមេរិក និងបានប្តេជ្ញាថា នឹងពន្លឿនកម្មវិធីនុយក្លេអ៊ែររបស់ខ្លួនឱ្យបានឆាប់រហ័ស។

ដំណើរទស្សនកិច្ចនេះ នឹងធ្វើឡើង បន្ទាប់ពីកិច្ចប្រជុំកំពូលពិសេសអាមេរិក-អាស៊ានរបស់ថ្នាក់ដឹកនាំអាស៊ីខាងត្បូង នៅក្រុងវ៉ាស៊ីនតោន ចាប់ពីថ្ងៃទី ១២ ដល់ថ្ងៃទី ១៣ ខែឧសភា នេះបើតាមការផ្សាយរបស់ AFP