កំដៅខ្លាំង បានសម្លាប់មនុស្សយ៉ាងហោចណាស់ 25 នាក់នៅក្នុងរដ្ឋ Maharashtra របស់ប្រទេសឥណ្ឌា

សេចក្ដីលម្អិត

ជំពូក៖ ព័ត៌មានអន្តរជាតិ

 រដ្ឋ Maharashtra ភាគខាងលិចរបស់ប្រទេសឥណ្ឌា បានចុះបញ្ជីការស្លាប់ចំនួន 25 នាក់ដោយសារបណ្តាលមកពីប៉ះពាល់នឹងសីតុណ្ហភាពខ្លាំងពេក ចាប់តាំងពីចុងខែមីនា ដែលជាចំនួនអ្នកស្លាប់ខ្ពស់បំផុតក្នុងរយៈពេល 5 ឆ្នាំចុងក្រោយនេះ ជាមួយនឹងចំនួនអ្នកស្លាប់បន្ថែមទៀតទំនងជានៅកន្លែងផ្សេងទៀតនៅក្នុងប្រទេស ដែលមានសីតុណ្ហភាពលើសពី 40 អង្សាសេ។

អ្នកវិទ្យាសាស្ត្រ បានភ្ជាប់ការចាប់ផ្តើមដំបូងនៃរដូវក្តៅខ្លាំងនេះ ទៅនឹងការប្រែប្រួលអាកាសធាតុ ហើយនិយាយថា មនុស្សជាងមួយពាន់លាននាក់នៅក្នុងប្រទេសឥណ្ឌា និងប៉ាគីស្ថានជិតខាង គឺងាយរងគ្រោះដោយសារកំដៅខ្លាំង។

ជាមួយនឹងភ្លៀងមូសុងត្រជាក់ ដែលរំពឹងទុកនៅខែក្រោយ និងការដាច់ចរន្តអគ្គិសនីញឹកញាប់កាន់តែខ្លាំងឡើងនៅក្នុងតំបន់មួយចំនួននៃប្រទេសឥណ្ឌា សូម្បីតែគ្រួសារ ដែលមានលទ្ធភាពទិញម៉ាស៊ីនត្រជាក់ នឹងមានពេលសម្រាកតិចតួចក្នុងរយៈពេលជាច្រើនសប្តាហ៍ខាងមុខ។

ចំនួននៃការស្លាប់ជាច្រើននៅ Maharashtra បានកើតឡើងនៅតាមតំបន់ជនបទនៃរដ្ឋ ដែលមានជាងគេបំផុតរបស់ប្រទេសឥណ្ឌា។

ប្រទេសឥណ្ឌា គឺជាប្រទេសផលិតស្រូវសាលីធំជាងគេទី 2 របស់ពិភពលោក ប៉ុន្តែកំដៅ ត្រូវបានកំណត់ថា បានបន្ថយបរិមាណដំណាំនៅឆ្នាំនេះ បន្ទាប់ពីប្រមូលផលប្រាំឆ្នាំជាប់ៗគ្នា នេះបើតាមការផ្សាយរបស់ Reuters កាលពីយប់ថ្ងៃអង្គារ។