នាយករដ្ឋមន្រ្តីចក្រភពអង់គ្លេស នឹងជួបជាមួយសមភាគីជប៉ុន ដើម្បីពង្រឹងទំនាក់ទំនងការពារជាតិ និងពាណិជ្ជកម្ម

សេចក្ដីលម្អិត

ជំពូក៖ ព័ត៌មានអន្តរជាតិ

នាយករដ្ឋមន្ត្រី Boris Johnson នៃចក្រភពអង់គ្លេស បានជួបជាមួយនាយករដ្ឋមន្ត្រីជប៉ុន Fumio Kishida កាលពីថ្ងៃព្រហស្បតិ៍-ម្សិលមិញ ដើម្បីជំរុញកិច្ចសហប្រតិបត្តិការលើវិស័យការពារជាតិ និងពាណិជ្ជកម្ម ដែលជាផ្នែកមួយនៃគោលនយោបាយក្រោយ Brexit របស់ចក្រភពអង់គ្លេស ក្នុងការពង្រឹងទំនាក់ទំនងកាន់តែស៊ីជម្រៅជាមួយបណ្តាប្រទេសនៅក្នុងតំបន់ឥណ្ឌូប៉ាស៊ីហ្វិក។

ជាមួយនឹងកិច្ចពិភាក្សា ដែលរំពឹងនឹងផ្តោតលើវិធានការដាក់សម្ពាធលើប្រធានាធិបតីរុស្ស៊ី វ្ល៉ាឌីមៀ ពូទីន ជុំវិញការឈ្លានពានរបស់ប្រទេសអ៊ុយក្រែន មេដឹកនាំទាំងពីរ ក៏នឹងយល់ព្រមជាគោលការណ៍លើកិច្ចព្រមព្រៀងការពារ ដែលអនុញ្ញាតឱ្យកងកម្លាំងអង់គ្លេស និងជប៉ុនធ្វើការជាមួយគ្នា។ មេដឹកនាំទាំងពីរ នឹងចូលរួមសង្កេតការហោះហើររបស់កងទ័ពអាកាស និងពិនិត្យមើលឆ្មាំការពារជាកិត្តិយស។

ដំណើរទស្សនកិច្ចនេះ ក៏នឹងពិនិត្យមើលការពង្រឹងទំនាក់ទំនងពាណិជ្ជកម្ម ការបង្កើតកិច្ចព្រមព្រៀង ដែលបានធ្វើឡើងនៅឆ្នាំ 2020 ដែលជាការកត់សម្គាល់កិច្ចព្រមព្រៀងពាណិជ្ជកម្មសេរីដំបូងរបស់ចក្រភពអង់គ្លេសក្រោយ Brexit ។

អតីតរដ្ឋមន្ត្រីពាណិជ្ជកម្ម Greg Clark នឹងត្រូវតែងតាំងជាបេសកជនពាណិជ្ជកម្ម ប្រចាំប្រទេសជប៉ុនផងដែរ នេះបើតាមការផ្សាយរបស់ Reuters កាលពីថ្ងៃព្រហ.។