ទឹកជំនន់នៅបង់ក្លាដែស ស្រកចុះវិញ ប៉ុន្តែមនុស្សរាប់លាននាក់ នៅតែលិចលង់

សេចក្ដីលម្អិត

ជំពូក៖ ព័ត៌មានអន្តរជាតិ

 ទឹកជំនន់ដ៏អាក្រក់បំផុតរបស់ប្រទេសបង់ក្លាដែស-ភាគឦសាន ក្នុងរយៈពេលជិត 20 ឆ្នាំ បាន ចាប់ផ្តើមស្រកចុះកាលពីថ្ងៃអាទិត្យ (22 ឧសភា) ប៉ុន្តែក្រុមអ្នកជួយសង្គ្រោះ កំពុងតស៊ូជួយ មនុស្សរាប់លាននាក់ ដែលរងការវាយប្រហារដោយអាកាសធាតុធ្ងន់ធ្ងរនៅទូទាំងតំបន់ ដែល បានសម្លាប់មនុស្សប្រហែល 60 នាក់។

ទឹកជំនន់ គឺជាការគំរាមកំហែងជាប្រចាំដល់ប្រជាជនរាប់លាននាក់នៅក្នុងប្រទេសបង់ក្លាដែស ដែលស្ថិតនៅតំបន់វាលទំនាប និងភាគឦសាននៃប្រទេសឥណ្ឌា ដែលជាអ្នកជិតខាង ប៉ុន្តែអ្នកជំនាញជាច្រើន បាននិយាយថា ការប្រែប្រួលអាកាសធាតុ កំពុងបង្កើនភាពញឹកញាប់ ភាពសាហាវឃោរឃៅ និងមិនអាចទាយទុកជាមុនបាន។

កាលពីសប្តាហ៍មុន បន្ទាប់ពីមានភ្លៀងធ្លាក់ខ្លាំងនៅក្នុងប្រទេសឥណ្ឌា ទឹកជំនន់ បានវាយលុកទំនប់ទឹកដ៏សំខាន់មួយនៅក្នុងតំបន់ Sylhet របស់ប្រទេសបង់ក្លាដែស ដែលប៉ះពាល់ដល់មនុស្សប្រហែល 2 លាននាក់ ដោយបានជន់លិចភូមិរាប់សិប និងសម្លាប់មនុស្សយ៉ាងហោចណាស់ 10 នាក់។

ប្រធានមជ្ឈមណ្ឌលព្យាករណ៍ និងព្រមានទឹកជំនន់ ដែលគ្រប់គ្រងដោយរដ្ឋ បានប្រាប់ AFP ថាទឹកជំនន់នេះ បានវាយប្រហារប្រហែល 70 ភាគរយនៃស្រុក Sylhet និងប្រហែល 60 ភាគរយនៃតំបន់ Sunamganj ដែលនៅជិតខាង។

"វា គឺជាទឹកជំនន់ដ៏អាក្រក់បំផុតមួយនៅក្នុងតំបន់"។ ប៉ុន្តែស្ថានភាព នឹងប្រសើរឡើងបន្ថែមទៀតនៅប៉ុន្មានថ្ងៃខាងមុខ បន្ទាប់ពីភ្លៀងធ្លាក់ខ្លាំង បានឈប់។