ជប៉ុន ស្នើដល់គ្រួសារ និងក្រុមហ៊ុន ឲ្យសន្សំសំចៃថាមពលនៅរដូវក្តៅនេះ

សេចក្ដីលម្អិត

ជំពូក៖ ព័ត៌មានអន្តរជាតិ

 រដ្ឋាភិបាលជប៉ុន បាននិយាយកាលពីថ្ងៃអង្គារថា ខ្លួន នឹងស្នើឱ្យគ្រប់ក្រុមគ្រួសារ និងក្រុមហ៊ុននានា សន្សំថាមពលអគ្គិសនីឱ្យបានច្រើន តាមតែអាចធ្វើទៅបាន ក្នុងរដូវតម្រូវការរដូវក្តៅដ៏ខ្ពស់បំផុត ដើម្បីកាត់បន្ថយការដាច់ចរន្តអគ្គិសនី ដែលអាចកើតមាន។

វិធានការនេះ ត្រូវបានកំណត់នៅក្នុងកិច្ចប្រជុំគណៈរដ្ឋមន្ត្រីកាលពីថ្ងៃអង្គារ ខណៈដែលតំបន់ចំនួនបី រួមទាំងទីក្រុងតូក្យូ ត្រូវបានគេរំពឹងថា នឹងមានការប្រើប្រាស់ចំនួនម៉ាស៊ីនភ្លើងលើសលុប ធ្លាក់ចុះមកជិត 3 % នៅក្នុងខែកក្កដា។

សំណើអភិរក្សថាមពលជាតិរបស់រដ្ឋាភិបាល បានធ្វើឡើងជាលើកដំបូង ចាប់តាំងពីឆ្នាំ 2015 ហើយនឹងមានប្រសិទ្ធភាពនៅចន្លោះថ្ងៃទី 1 ខែកក្កដា ដល់ថ្ងៃទី 30 ខែកញ្ញា។ ក្នុងអំឡុងពេលនេះ សាធារណជន នឹងត្រូវបានស្នើសុំឱ្យបិទភ្លើង ដែលមិនចាំបាច់ និងកំណត់ម៉ាស៊ីនត្រជាក់នៅសីតុណ្ហភាព 28 អង្សាសេ។

ការផ្គត់ផ្គង់ថាមពលរបស់ប្រទេសជប៉ុន មានភាពតឹងតែង ចំពេលដែលការចាប់ផ្តើមឡើងវិញយឺតនៃរោងចក្រថាមពលនុយក្លេអ៊ែររបស់ខ្លួន និងការបិទជាបន្តបន្ទាប់នៃរោងចក្រថាមពលកំដៅ ដែលមានវ័យចំណាស់មួយផ្នែក ដើម្បីបំពេញគោលដៅរបស់ខ្លួន ក្នុងការកាត់បន្ថយការបញ្ចេញកាបូនឌីអុកស៊ីត (CO2) ។

ការផ្គត់ផ្គង់អគ្គិសនីនៅក្នុងប្រទេសជប៉ុន ត្រូវបានគេរំពឹងថា នឹងកាន់តែតឹងតែងក្នុងរដូវរងា ដោយសមត្ថភាពលើសប៉ាន់ស្មាន បានធ្លាក់ចុះក្រោម 3% នៅក្នុងតំបន់ចំនួន 7 ក្នុងចំណោម 10 សរុបក្នុងខែមករា និងខែកុម្ភៈ រួមទាំងតំបន់តូក្យូ ដែលជាកន្លែងត្រូវបានគេរំពឹងថា នឹងធ្លាក់ចុះក្រោម 0 ភាគរយ នេះបើតាមការផ្សាយរបស់ Reuters កាលពីយប់ថ្ងៃអង្គារ៍។