ប្រទេសថៃ បានសម្រេចផ្តល់ការដាំ និងការប្រើប្រាស់កញ្ឆាដោយស្របច្បាប់

សេចក្ដីលម្អិត

ជំពូក៖ ព័ត៌មានអន្តរជាតិ

 ប្រទេសថៃ បានធ្វើឱ្យស្របច្បាប់នូវការដាំដុះកញ្ឆា និងការប្រើប្រាស់កញ្ឆាក្នុងម្ហូបអាហារ និងភេសជ្ជៈកាលពីថ្ងៃព្រហស្បតិ៍ (ទី 9 ខែមិថុនា) ដែលជាប្រទេសអាស៊ីដំបូងគេធ្វើដូច្នេះ ក្នុងគោលបំណងជំរុញវិស័យកសិកម្ម និងទេសចរណ៍របស់ខ្លួន ប៉ុន្តែកញ្ឆាជក់បារី នៅតែផ្ទុយនឹងច្បាប់។

អ្នកដើរទិញឥវ៉ាន់ បានតម្រង់ជួរនៅហាងលក់ភេសជ្ជៈ បង្អែម/ស្ករគ្រាប់ និងរបស់របរផ្សេងៗទៀត ដែលប្រើប្រាស់ដោយកញ្ឆា ខណៈដែលអ្នកតស៊ូមតិរុក្ខជាតិនេះ បានស្វាគមន៍ការកែទម្រង់នៅក្នុងប្រទេស ដែលមានកេរ្តិ៍ឈ្មោះជាយូរមកហើយសម្រាប់ច្បាប់ប្រឆាំងគ្រឿងញៀនដ៏តឹងរឹង។

ប្រទេសថៃ ដែលមានទំនៀមទម្លាប់ប្រើប្រាស់កញ្ឆា ដើម្បីបំបាត់ការឈឺចាប់ និងអស់កម្លាំង បានដាក់ឲ្យកញ្ឆា ក្លាយជាឱសថស្របច្បាប់ ក្នុងឆ្នាំ 2018 ។ រដ្ឋាភិបាល ដែលពឹងផ្អែកលើដំណាំនេះ ជាដំណាំសាច់ប្រាក់ គ្រោងនឹងផ្តល់រុក្ខជាតិនេះ មួយលានដើម ដើម្បីជំរុញកសិករឱ្យបង្កើនការដាំដុះ។

ប៉ុន្តែអាជ្ញាធរ មានបំណងឈានទៅរកការប្រើប្រាស់បែបកម្សាន្ត ដោយការកម្រិតកម្លាំងរបស់ផលិតផលកញ្ឆា ដែលស្របច្បាប់។ ការកាន់កាប់ និងលក់សារធាតុចំរាញ់ចេញពីកញ្ឆា ដែលមានផ្ទុកសារធាតុសកម្មផ្លូវចិត្តច្រើនជាង 0.2% មិនត្រូវបានអនុញ្ញាតទេ។ អ្នក ដែលបំពានច្បាប់ នៅតែអាចប្រឈមមុខនឹងការជាប់ពន្ធនាគារ និងពិន័យជាប្រាក់។

អ្នកដាំកញ្ឆា ត្រូវចុះឈ្មោះនៅលើកម្មវិធីរដ្ឋាភិបាលមួយ ដែលមានឈ្មោះថា PlookGanja (ភ្លុកកញ្ឆា) ឬដាំដុះកញ្ឆា ដែលជាឈ្មោះហៅក្រៅមួយផ្សេងទៀតសម្រាប់រុក្ខជាតិ ដែលមានស្លឹកស្រួច។ មន្ត្រីក្រសួងសុខាភិបាលថៃ បាននិយាយថា មានមនុស្សជិត 100,000 នាក់ បានចុះឈ្មោះប្រើប្រាស់កម្មវិធីនេះ នេះបើតាមការផ្សាយរបស់ Reuters កាលពីថ្ងៃព្រហ.។