ជំងឺអាសន្នរោគ បានត្រឡប់មកវិញនៅក្នុងប្រទេសហៃទី

សេចក្ដីលម្អិត

ជំពូក៖ ព័ត៌មានអន្តរជាតិ

ប្រទេសហៃទីកាលពីថ្ងៃអាទិត្យ បានឪ្យដឹងថា យ៉ាងហោចណាស់មនុស្ស៧ នាក់ បានស្លាប់ដោយសារជំងឺអាសន្នរោគ នៅក្នុងការត្រឡប់មកវិញដ៏គួរឱ្យភ្ញាក់ផ្អើលនៃជំងឺ ដែលកើតមានឡើង នៅពេលដែលប្រទេសនេះត្រូវបានខ្ទិចខ្ទាំ ដោយការបិទផ្លូវរបស់ក្រុមក្មេងទំនើង ដែលបានបង្កឱ្យមានការខ្វះខាតប្រេងឥន្ធនៈ និងទឹកស្អាត។

ជំងឺនេះ បានសម្លាប់មនុស្សប្រហែល១ម៉ឺននាក់ តាមរយៈការផ្ទុះឡើងក្នុងឆ្នាំ២០១០ ដែលត្រូវបានដាក់ការស្តីបន្ទោសលើកងកម្លាំងរក្សាសន្តិភាពរបស់អង្គការសហប្រជាជាតិ។ អង្គការសុខភាព Pan American ក្នុងឆ្នាំ២០២០ បាននិយាយថា ប្រទេសហៃទី បានឆ្លងកាត់មួយឆ្នាំហើយ ដោយគ្មានករណីជំងឺអាសន្នរោគ។ ក្រុមក្មេងទំនើង ចាប់តាំងពីខែមុន បាននឹងកំពុងបិទច្រកប្រេងដ៏សំខាន់របស់ប្រទេស ក្នុងការតវ៉ាជុំវិញការប្រកាស អំពីការដំឡើងថ្លៃប្រេងឥន្ធនៈ។ មន្ទីរពេទ្យជាច្រើន បានបិទ ឬបន្ថយប្រតិបត្តិការឡើងវិញ ដោយសារកង្វះប្រេងឥន្ធនៈសម្រាប់ម៉ាស៊ីនភ្លើង។

ផ្លូវឆ្លងកាត់ជាមូលដ្ឋាន ឥឡូវនេះ គឺមិនអាចទៅរួចទេសម្រាប់ប្រជាពលរដ្ឋភាគច្រើន។ ក្រុមហ៊ុន Caribbean Bottling Company ដែលជាក្រុមហ៊ុនផ្គត់ផ្គង់ទឹកដបដ៏សំខាន់ បាននិយាយកាលពីថ្ងៃអាទិត្យថា ខ្លួន មិនអាចបន្តផលិត និងចែកចាយទឹកបានទៀតទេ ព្រោះតែអស់ប្រេងម៉ាស៊ូត ដែលមានសារៈសំខាន់ចំពោះសង្វាក់ផ្គត់ផ្គង់របស់ខ្លួន។ ជំងឺអាសន្នរោគ បណ្តាលឱ្យរាគ ដែលមិនអាចគ្រប់គ្រងបាន។ ជំងឺនេះ ជាធម្មតាឆ្លងតាមរយៈទឹក ដែលកខ្វក់ក្នុងលាមករបស់មនុស្សឈឺ មានន័យថាទឹកស្អាត គឺមានសារៈសំខាន់សម្រាប់ការពារការរីករាលដាលរបស់វា នេះបើតាមការផ្សាយរបស់ Reuters កាលពីថ្ងៃចន្ទ។