ឥណ្ឌូណេស៊ី ហាមប្រាមគ្រឿងផ្សំផលិតស៊ីរ៉ូក្អក ដែលមានទំនាក់ទំនងនឹងការស្លាប់កុមារហ្គាំប៊ី

សេចក្ដីលម្អិត

ជំពូក៖ ព័ត៌មានអន្តរជាតិ

ប្រទេសឥណ្ឌូណេស៊ី កាលពីថ្ងៃសៅរ៍ បានហាមឃាត់គ្រឿងផ្សំ ដែលទាក់ទងនឹងការស្លាប់របស់កុមារ៧០ នាក់នៅក្នុងប្រទេសហ្គាំប៊ី ពីថ្នាំសេរ៉ូក្អកនៅក្នុងប្រទេសអាស៊ីអាគ្នេយ៍ ខណៈដែលខ្លួនស៊ើបអង្កេតការខូចខាតតម្រងនោមស្រួចស្រាវ ដែលបានសម្លាប់កុមារជាង២០ នាក់នៅក្នុងរដ្ឋធានីហ្សាកាតាក្នុងឆ្នាំនេះ។

និយតករអាហារ និងឱសថឥណ្ឌូនេស៊ី ក៏បាននិយាយផងដែរថា ខ្លួនកំពុងស៊ើបអង្កេតលទ្ធភាពដែលថាសារធាតុផ្សំ ឌីទីឡែន ក្លីកូល និងអេទីឡែន ក្លីកូល បានបំពុលវត្ថុធាតុផ្សេងទៀត ដែលត្រូវបានគេប្រើជាសារធាតុរំលាយ។ ប្រទេសហ្គាំប៊ី និងឥណ្ឌា កំពុងស៊ើបអង្កេតការស្លាប់ដោយសារការរលាកក្រលៀនស្រួចស្រាវនៅក្នុងប្រទេសអាហ្រ្វិកខាងលិច ដែលគេគិតថាមានទំនាក់ទំនងនឹងថ្នាំក្អក ផលិតដោយក្រុមហ៊ុនឱសថ Maiden មានមូលដ្ឋាននៅទីក្រុងញូវដេលី។

អង្គការសុខភាពពិភពលោក បានឲ្យដឹងថា ខ្លួន បានរកឃើញកម្រិត "មិនអាចទទួលយកបាន" នៃគ្រឿងផ្សំដែលអាចមានជាតិពុលនៅក្នុងផលិតផល Maiden ចំនួនបួន។ ដើម្បីផ្តល់ការការពារដល់សាធារណជន និយតករអាហារ និងឱសថឥណ្ឌូនេស៊ី បានកំណត់តម្រូវការនៅពេលចុះឈ្មោះថា រាល់ផលិតផលស៊ីរ៉ូឱសថសម្រាប់កុមារ និងមនុស្សពេញវ័យ មិនត្រូវបានអនុញ្ញាតឱ្យប្រើសារធាតុដែលរៀបរាប់ខាងលើទេ។

និយតករអាហារ និងឱសថឥណ្ឌូនេស៊ី បានរំលឹកឡើងវិញថា ផលិតផលទាំងបួន ដែលជាប់ទាក់ទងនឹងការស្លាប់នៅក្នុងប្រទេសហ្គាំប៊ី មិនត្រូវបានចុះបញ្ជីក្នុងប្រទេសឥណ្ឌូនេស៊ី ឬផលិតផល Maiden ផ្សេងទៀតទេ នេះបើតាមការផ្សាយរបស់ Reuters កាលពីចុងសប្តាហ៏។