លោក Erdogan និង លោក Putin នឹងជួបប្រជុំគ្នានៅថ្ងៃទី០៤ កញ្ញាខាងមុខ

សេចក្ដីលម្អិត

ជំពូក៖ ព័ត៌មានអន្តរជាតិ

ប្រធានាធិបតីតួកគី លោក Recep Tayyip Erdogan នឹងជួបសមភាគី លោក Vladimir Putin នៅ រមណីយដ្ឋាន Sochi របស់រុស្ស៊ី នៅថ្ងៃទី៤ ខែកញ្ញាខាងមុខនេះ ដើម្បីពិភាក្សាអំពីការនាំចេញគ្រាប់ធញ្ញជាតិ ពីសមុទ្រខ្មៅ ។

ប្រភពមួយបាននិយាយថា មេដឹកនាំទាំងពីរ នឹងពិភាក្សាអំពីផលវិបាកនៃសង្គ្រាមនៅអ៊ុយក្រែន បន្ថែមពីលើកិច្ចព្រមព្រៀង ដែលអនុញ្ញាតឱ្យនាំចេញគ្រាប់ធញ្ញជាតិអ៊ុយក្រែនតាមរយៈសមុទ្រខ្មៅ។

កិច្ចព្រមព្រៀងនាំចេញគ្រាប់ធញ្ញជាតិតាមច្រកសមុទ្រខ្មៅ ដែលសម្របសម្រួលដោយតួកគី និងអង្គការសហប្រជាជាតិ បានផុតកំណត់ បន្ទាប់ពីរុស្ស៊ី បានដកខ្លួនកាលពីខែកក្កដាកន្លងទៅ។

ចាប់តាំងពីពេលនោះមកទីក្រុងអង់ការ៉ា បានព្យាយាមបញ្ចុះបញ្ចូលទីក្រុងមូស្គូឱ្យត្រលប់ទៅកិច្ចព្រមព្រៀងនោះវិញ នេះបើតាមប្រភពពីររបស់តួកគី បានប្រាប់ទីភ្នាក់ងារ Reuters កាលពីថ្ងៃព្រហស្បតិ៍ ។