ភ្លើងឆេះព្រៃ នៅកាលីហ្វ័រនីញ៉ា បន្តកាន់តែខ្លាំងឡើងៗ មានទំហំធំជាង ក្រុងញ៉ូវយ៉កទៅទៀត

សេចក្ដីលម្អិត

ជំពូក៖ ព័ត៌មានអន្តរជាតិ

កាលីហ្វ័រនីញ៉ា ៖ ទូរទស្សន៍ BBC បានផ្សព្វផ្សាយព័ត៌មាន ឲ្យដឹងនៅថ្ងៃទី១១ ខែធ្នូ ឆ្នាំ២០១៧ ថា ករណីភ្លើងឆេះព្រៃ ដែលបំផ្លិចបំផ្លាញដ៏ខ្លាំង នៅតំបន់ភាគខាងត្បូង នៃរដ្ឋកាលីហ្វ័រនីញ៉ា បានរីក កាន់តែធំឡើងៗ គួរឲ្យកត់សម្គាល់ គឺមានទំហំធំជាងក្រុងញ៉ូវយ៉កទៅទៀត ។

ភ្លើងឆេះកើតឡើងនៅ Thomas ក្នុងសង្កាត់ Ventura និងរដ្ឋ Santa Barbara បានគ្រប ដណ្តប់លើផ្ទៃដីព្រៃ ប្រមាណ២៣០.០០០ហិកតាកាលពីសប្តាហ៍មុន ។ ដោយសារកម្លាំងខ្យល់បក់ខ្លាំង វាបានក្លាយទៅជាភ្លើងឆេះព្រៃដ៏ធំបំផុតទី៥ នៅក្នុងប្រវត្តិ សាស្រ្ត ដែលមាននៅក្នុងកំណត់ត្រា បន្ទាប់ពីវាបានកើនឡើងជាង៥០.០០០ហិកតា ក្នុងមួយថ្ងៃ ។ អ្នកស្រុកនៅតាមសហគមន៍ ឆ្នេរសមុទ្រ ត្រូវបានបញ្ជា ឱ្យចាកចេញបន្ទាន់ ៕

ដកស្រង់ពី៏៖ដើមអម្ពិល