កងទ័ពជើងទឹករុស្ស៊ី «គ្រោងបញ្ចេញឧទ្ធម្ភាគចក្រថ្មីឲ្យបាន ៥០គ្រឿង» ដែលមានសមត្ថភាព កម្ទេចនាវាមុជទឹកសត្រូវ...
- សេចក្ដីលម្អិត
- ជំពូក៖ ព័ត៌មានអន្តរជាតិ
(ម៉ូស្គូ)៖ អ្នកនាំពាក្យកងនាវាចម្បាំងរុស្ស៊ី លោក អ៊ីហ្គ័រ ឌីហ្គាឡូ (Igor Dygalo) នៅថ្ងៃពុធនេះបាននិយាយថា កងនាវារុស្ស៊ីនឹងទទួលបានឧទ្ធម្ភាគចក្រ ប្រឆាំងនាវាមុជទឹកជំនាន់ថ្មីចំនួន រហូតដល់ទៅ ៥០គ្រឿង នៅឆ្នាំ២០២០។
នេះបើតាមការចេញផ្សាយដោយ ទីភ្នាក់ងារសារព័ត៌មានចិន ស៊ីនហួរ នៅសៀលថ្ងៃពុធ ទី០៦ ខែកុម្ភៈ ឆ្នាំ២០១៨។ យោងតាម លោក Igor Dygalo ឧទ្ធម្ភាគចក្រធុន K-27 បានបង្ហាញពីប្រសិទ្ធភាពដ៏ល្អប្រសើរបំផុត។ អ្នកនំាពាក្យរូបនេះបន្ថែមថា ឧទ្ធម្ភាគចក្រជំនាន់ថ្មី ២០គ្រឿង ត្រូវបានប្រគល់រួចរាល់ហើយ រីឯឧទ្ធម្ភាគចក្រដែលនៅសល់ត្រូវបានគេរំពឹងថា នឹងប្រគល់ទៅដល់ ដៃកងនាវារុស្ស៊ីទាំងអស់ នៅឆ្នាំ២០២០។
គួរបញ្ជាក់ថា ឧទ្ធម្ភាគចក្រធុន K-27 ត្រូវបានបំពាក់ដោយប្រព័ន្ធផ្ទេរព័ត៌មានទំនើបមួយ ប្រព័ន្ធស្រាវជ្រាវថ្មីមួយក្នុងការរុករក ព្រមទាំងប្រព័ន្ធកម្ទេចនាវាមុជទឹក និងប្រព័ន្ធសំឡេងវិទ្យុសកម្មផងដែរ។ ឧទ្ធម្ភាគចក្រស៊េរី Ka-27 និង Ka-27M ក៏អាចដឹកនាំសកម្មភាពឈ្លបយកការណ៍នៅសមុទ្រ ហើយមិនតែប៉ុណ្ណោះវាថែមទាំងអាចប្រើប្រាស់ ក្នុងប្រតិបត្តិការជួយសង្រ្គោះ, រុករក និងដឹកជញ្ជូន ទៅកាន់គោលដៅឆ្ងាយ ឬជិតទៀតផង៕
ដកស្រង់ពី៖ Fresh News