នាយករដ្ឋមន្រ្តីប្រទេសជប៉ុន លោក ស៊ីនហ្សូ អាប៊េ Shinzo Abe ត្រូវបានគេរំពឹងថា នឹងរក្សារទុកតំណែងរដ្ឋមន្រ្តីសំខាន់ៗមួយចំនួនក្នុងការរុះរើគណរដ្ឋមន្រ្តីរបស់លោក នាថ្ងៃអង្គារ៍នេះ រួមមាន រដ្ឋមន្រ្តីក្រសួងហិរញ្ញវត្ថុ ការបរទេស និងសេដ្ឋកិច្ច ជាអ្នកដែលចូលរួមដោះស្រាយកិច្ចចរចារពាណិជ្ជ កម្មដ៏ស្មុគស្មាញជាមួយសហរដ្ឋអាមេរិក។
លោកអាប៊េ ដែលត្រលប់ចូលកាន់តំណែងក្នុងខែធ្នូ ឆ្នាំ២០១២ ត្រូវបានបោះឆ្នោតជ្រើសរើសសារជាថ្មីជាប្រធានគណបក្សប្រជាធិបតេយ្យសេរី (LDP) កាលពីខែមុន ដែលធ្វើឱ្យគាត់ ក្លាយជានាយករដ្ឋមន្ត្រី ដែលបម្រើការយូរបំផុតរបស់ជប៉ុន។
ការរុះរើគណរដ្ឋមន្រ្តីរបស់លោកអាប៊េ គឺផ្តោតជា សំខាន់លើបញ្ហា ស្ថេរភាព ដោយសារតែលោក បានរៀបចំជំរុញទៅមុខជាមួយនឹងការប៉ុនប៉ងដ៏ចម្រូងចម្រាស់ របស់ គាត់ ក្នុងការកែប្រែរដ្ឋធម្មនុញ្ញអ្នកសន្តិនិយម សម័យក្រោយ សង្រ្គាម នេះបើតាមសំដី អ្នកជំនាញនយោបាយ។