Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

សម្តេចតេជោ ហ៊ុន សែន៖ ជនជាតិបារាំង២នាក់ទៀត នៅខេត្តព្រះសីហនុ ត្រូវបានរកឃើញមានជំងឺកូវីដ១៩ នាំឱ្យអ្នកកើតជំងឺនេះនៅកម្ពុជាឡើងដល់៩៣នាក់

  • បោះពុម្ព

(ភ្នំពេញ)៖ ក្នុងឱកាសជួបសំណេះសំណាល ជាមួយគ្រូពេទ្យស្ម័គ្រចិត្តប្រយុទ្ធប្រឆាំងនឹងជំងឺ Covid-19 ប្រមាណ៤០០នាក់ នៅវិមានសន្តិភាព នាព្រឹកថ្ងៃទី២៥ ខែមីនា ឆ្នាំ២០២០ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានប្រកាសថា កម្ពុជាបានរកឃើញជនជាតិបារាំង២នាក់បន្ថែមទៀត នៅក្នុងខេត្តព្រះសីហនុ ដែលបានឆ្លងជំងឺ Covid-19 ដែលនាំឲ្យអ្នកកើតជំងឺ Covid-19 នៅកម្ពុជា កើនដល់៩៣នាក់ គិតត្រឹមព្រឹកថ្ងៃទី២៥ ខែមីនា ឆ្នាំ២០២០នេះ។

សម្ដេចតេជោ ហ៊ុន សែន បានបញ្ជាក់ថា «កម្រិតដែលកើតមាននៅក្នុងប្រទេសរបស់យើង មកដល់ពេលនេះម៉ោងនេះ មាន៩៣ករណីហើយ ទិន្នន័យរបស់ក្រុមគ្រូពេទ្យនៃ ក្រសួងសុខាភិបាល គឺមាន៩១ករណី ប៉ុន្ដែព្រឹកមិញឯកឧត្តម គួច ចំរើន បានរាយការណ៍ឲ្យដឹងថា ជនជាតិបារាំង២នាក់ នៅខេត្តព្រះសីហនុ បានឆ្លងបន្ថែមនូវវីរុស Covid-19 ដូច្នេះយើងកើនឡើង៩៣ករណី»។

សម្ដេចតេជោបន្ថែមថា ឥឡូវនេះអ្នកជំងឺដែលកំពុងព្យាបាល នៅក្នុងខេត្តព្រះសីហនុ មានដល់៣៤នាក់ ដែលកំពុងព្យាបាល នៅក្នុងខេត្តព្រះសីហនុ។ សម្តេចបន្ថែមថា ដោយផ្អែកលើការវិវត្តន៍ខាងក្នុង និងការវិវត្តន៍ខាងក្រៅសម្តេចយល់ឃើញថា ជំងឺនេះមិនចប់ដោយងាយនោះទេ។

សម្ដេចតេជោប្រធានគណៈកម្មការជាតិ ប្រយុទ្ធប្រឆាំងជំងឺកូវីដ១៩ បានបន្ថែមថា ដោយសារវីសាលភាពបែបនេះ ទើបរាជរដ្ឋាភិបាលកម្ពុជា មានតម្រូវការប្រើប្រាស់ នូវកំលាំងបន្ថែម ដែលក្នុងនោះមានតម្រូវការ ក្នុងការជ្រើសរើសនិស្សិតពេទ្យស្ម័គ្រចិត្ត ដើម្បីចូលរួមប្រយុទ្ធប្រឆាំងនឹងជំងឺកូវីដ១៩។

សម្តេចតេជោបានបញ្ជាក់ពីមូលហេតុ ដែលត្រូវយកក្រុមគ្រូពេទ្យនេះស្ម័គ្រចិត្តនេះ គឺយើងបន្ថែមលើកក្រុមគ្រូពេទ្យជំនាញដែលមានជាង២,០០០នាក់នោះ ហើយយើងមិនត្រឹមតែព្យាបាលតែកូវីដ១៩ទេ គឺយើងមានជំងឺផ្សេងៗទៀត ហើយប្រតិបត្តិការនេះក៏ជាពេលឲ្យពួកគាត់បានទទួលការបណ្តុះ បណ្តាលជំនាញវិជ្ជសាស្ត្រផងដែរ។

សូមបញ្ជាក់ថា គិតរហូតត្រឹមព្រឹកថ្ងៃទី២៥ ខែមីនា ឆ្នាំ២០២០នេះ នៅកម្ពុជាបានរកឃើញអ្នកជំងឺកូវីដ១៩ ចំនួនសរុប៩៣នាក់ ក្នុងចំណោមនោះក៏មានអ្នកជំងឺ៦នាក់ បានជាសះស្បើយផងដែរ ដែលមានជនជាតិចិន១នាក់ ជនជាតិអង់គ្លេស១នាក់ និងជនជាតិខ្មែរ៤នាក់។

អ្នកដែលត្រូវបានរកឃើញថា ឆ្លងជំងឺកូវីដ១៩ នៅកម្ពុជានេះរួមមាន៖

ទី១៖ បុរសជនជាតិចិន មកពីទីក្រុងវូហាន (ជាសះស្បើយហើយ)

ទី២៖ បុរសជនជាតិខ្មែរ វ័យ៣៨ឆ្នាំ នៅខេត្តសៀមរាប

ទី៣៖ ស្រ្តីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម (ជាសះស្បើយហើយ)

ទី៤៖ បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម

ទី៥៖ ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម

ទី៦៖ បុរសជនជាតិកាណាដា អាយុ៤៩ឆ្នាំ នៅរាជធានីភ្នំពេញ

ទី៧៖ បុរសជនជាតិប៊ែលហ្សិក អាយុ៣៣ឆ្នាំ នៅរាជធានីភ្នំពេញ

ទី៨៖ បុរសជនជាតិបារាំង អាយុ៣៥ឆ្នាំ នៅរាជធានីភ្នំពេញ

ទី៩៖ ទារកជនជាតិបារាំង អាយុ៤ខែ នៅរាជធានីភ្នំពេញ

ទី១០៖ បុរសជនជាតិខ្មែរ នៅរាជធានីភ្នំពេញ

ទី១១៖ បុរសជនជាតិខ្មែរ នៅខេត្តព្រះវិហារ អាយុ៣៥ឆ្នាំ នៅខេត្តព្រះវិហារ

ទី១២៖ បុរសជនជាតិខ្មែរ អាយុ៣៩ឆ្នាំ នៅខេត្តព្រះវិហារ។

ទី១៣៖ បុរសជនជាតិខ្មែរ នៅក្រុងសេរីសោភ័ណ ខេត្តបន្ទាយមានជ័យ

ទី១៤៖ បុរសជនជាតិខ្មែរ មកពីប្រទេសថៃ នៅភូមិព្រៃឫស្សី ក្រុងសេរីសោភ័ណ ខេត្តបន្ទាយមានជ័យ

ទី១៥, ទី១៦៖ បុរសជនជាតិខ្មែរ ២នាក់ (អាយុ ៦៣ឆ្នាំ និង៦៤ឆ្នាំ) នៅព្រែកប្រា

ទី១៧, ១៨, ១៩, ២០៖ បុរសជនជាតិខ្មែរ (អាយុចន្លោះពី ៣៨ឆ្នាំ ដល់ ៤៥ឆ្នាំ) នៅក្នុងខេត្តបាត់ដំបង

ទី២១៖ បុរសជនជាតិខ្មែរ អាយុ ៣០ឆ្នាំ នៅក្នុងខេត្តកំពត បច្ចុប្បន្នដាក់ព្យាបាលនៅមន្ទីរពេទ្យខេត្តកែប

ទី២២៖ បុរសជនជាតិខ្មែរ អាយុ ៦១ឆ្នាំ នៅខេត្តត្បូងឃ្មុំ បច្ចុប្បន្នដាក់ក្នុងមន្ទីរពេទ្យខេត្តនៅពញាក្រែក

ទី២៣៖ បុរសជនជាតិខ្មែរ អាយុ ៧៥ឆ្នាំ នៅខេត្តកំពង់ឆ្នាំង ត្រូវបានដាក់ឱ្យព្យាបាលនៅមន្ទីរពេទ្យខេត្តកំពង់ឆ្នាំង។

ទី២៤៖ បុរសជនជាតិខ្មែរ អាយុ ២៨ឆ្នាំ នៅខេត្តកំពង់ឆ្នាំង ត្រូវបានដាក់ឱ្យព្យាបាលនៅមន្ទីរពេទ្យខេត្តកំពង់ឆ្នាំង។

ទី២៥៖ បុរសជនជាតិខ្មែរ អាយុ៤០ឆ្នាំ នៅខេត្តសៀមរាប

ទី២៦ និង២៧៖ បុរសជនជាតិខ្មែរ ២នាក់នៅរាជធានីភ្នំពេញ

ទី២៨៖ បុរសជនជាតិខ្មែរ នៅស្រុកកំពង់ត្រឡាច ខេត្តកំពង់ឆ្នាំង អាយុ៣៦ឆ្នាំ

ទី២៩, ៣០ និង៣១៖ ជនជាតិម៉ាឡេស៊ី៣នាក់ នៅខេត្តកែប

ទី៣២៖ បុរសជនជាតិខ្មែរ នៅខេត្តកោះកុង

ទី៣៣៖ បុរសជនជាតិខ្មែរ នៅខេត្តត្បូងឃ្មុំ អាយុ៥៣ឆ្នាំ។

ទី៣៤៖ ជនជាតិម៉ាឡេស៊ី នៅខេត្តកំពត

ទី៣៥៖ ជនជាតិម៉ាឡេស៊ី នៅខេត្តកំពត

ទី៣៦៖ ជនជាតិខ្មែរ អាយុ៧១ឆ្នាំ នៅខេត្តត្បូងឃ្មុំ

ទី៣៧៖ ជនជាតិខ្មែរ អាយុ៥២ឆ្នាំនៅខេត្តត្បូងឃ្មុំ។

ទី៣៨៖ ស្រ្តីអាយុ៣៥ឆ្នាំ ដែលឆ្លងពីប្តីរបស់គាត់ នៅខេត្តបាត់ដំបង

ទី៣៩៖ ស្រ្តីអាយុ៤១ ដែលឆ្លងពីប្តីរបស់គាត់ នៅខេត្តបាត់ដំបង

ទី៤០៖ បុរសអាយុ៦០ឆ្នាំ នៅខេត្តកណ្តាល

ទី៤១៖ បុរសអាយុ៣៤ឆ្នាំ នៅសង្កាត់ច្បារអំពៅ រាជធានីភ្នំពេញ

ទី៤២៖ បុរសជនជាតិម៉ាឡេស៊ី អាយុ២៦ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម

ទី៤៣៖ បុរសជនជាតិម៉ាឡេស៊ី អាយុ៣៤ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម

ទី៤៤៖ បុរសជនជាតិម៉ាឡេស៊ី អាយុ៣៤ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម

ទី៤៥៖ បុរសជនជាតិម៉ាឡេស៊ី អាយុ៥១ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម

ទី៤៦៖ បុរសជនជាតិម៉ាឡេស៊ី អាយុ៤៨ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម

ទី៤៧៖ បុរសជនជាតិម៉ាឡេស៊ី អាយុ៦២ឆ្នាំ ស្នាក់នៅបណ្តោះអាសន្នស្រុកកងមាស ខេត្តកំពង់ចាម។

ទី៤៨៖ ជនជាតិម៉ាឡេស៊ី អាយុ៣៩ឆ្នាំ ធ្វើការងារផ្សព្វផ្សាយសាសនា នោខេត្តកំពង់ចាម

ទី៤៩៖ ជនជាតិខ្មែរ អាយុ៣៣ឆ្នាំ ដែលបានឆ្លងបន្តពីបុរសម្នាក់ដែលមានវិជ្ជមានកូវីដ១៩ ពេលវិលត្រឡប់ពីប្រទេសម៉ាឡេស៊ី ចូលមកកម្ពុជា

ទី៥០៖ បុរសខ្មែរអាយុ៤៨ឆ្នាំ នៅក្រុងបាង់ដំបង ខេត្តបាត់ដំបង ដែលត្រឡប់ពីបុណ្យសាសនានៅប្រទេសម៉ាឡេស៊ី

ទី៥១៖ បុរសខ្មែរអាយុ៣៨ឆ្នាំ នៅស្រុកមោងឫស្សី ខេត្តបាត់ដំបង ដែលត្រឡប់ពីបុណ្យសាសនានៅប្រទេសម៉ាឡេស៊ី។

ទី៥២៖ អ្នកទេសចរជនជាតិបារាំង អាយុ៦៧ឆ្នាំ ដែលចូលទៅខេត្តព្រះសីហនុ

ទី៥៣៖ អ្នកទេសចរជនជាតិបារាំង អាយុ៨០ឆ្នាំ ដែលចូលទៅនៅខេត្តព្រះសីហនុ។

ទី៥៤-ទី៨២៖ ជនជាតិបារាំង២៩នាក់ ក្នុងនោះស្រ្តី១៧នាក់ មាន (អាយុ៤៤ឆ្នាំ ៥៩ឆ្នាំ ៦៦ឆ្នាំ ៦១ឆ្នាំ ៦៣ឆ្នាំ ៥២ឆ្នាំ ៦៦ឆ្នាំ ៥៩ឆ្នាំ ៦៣ឆ្នាំ ៧៦ឆ្នាំ ៦០ឆ្នាំ ៦៣ឆ្នាំ ៦៩ឆ្នាំ (២នាក់) និង៥៩ឆ្នាំ និងបុរស១២នាក់ មានអាយុ៦៦ឆ្នាំ ៥៧ឆ្នាំ ៧០ឆ្នាំ (២នាក់) ៦៣ឆ្នាំ(៣នាក់) ៥២ឆ្នាំ ៦៤ឆ្នាំ ៦២ឆ្នាំ ៦១ឆ្នាំ និង៥៨ឆ្នាំ។

ពួកគេស្នាក់នៅសណ្ឋាគារខេត្តព្រះសីហនុ

ទី៨៣៖ ជនជាតិខ្មែរ អាយុ៣៩ឆ្នាំ ជាអ្នកនាំភ្ញៀវទេសចរបារាំងដើរកម្សាន្ត

ទី៨៤៖ ជនជាតិខ្មែរអាយុ៣៣ឆ្នាំ ជាអ្នកនាំភ្ញៀវទេសចរបារាំងដើរកម្សាន្ត។

ទី៨៥៖ ជនជាតិខ្មែរ នៅខេត្តកំពង់ចាម។

ទី៨៦៖ ជនជាតិខ្មែរ នៅខេត្តកោះកុង។

ទី៨៧៖ ស្រ្តីជនជាតិបារាំង អាយុ២៨ឆ្នាំ ជាម្តាយទារកអាយុ៤ខែដែលឆ្លងកូវីដ១៩ នៅរាជធានីភ្នំពេញ។

ទី៨៨៖ បុរសជនជាតិអង់គ្លេស អាយុ៦១ឆ្នាំ ជាភ្ញៀវទេសចរតាមនាវា Viking Cruise Journey

ទី៨៩៖ ស្រ្តីជនជាតិអង់គ្លេស អាយុ៩៧ឆ្នាំ ជាភ្ញៀវទេសចរតាមនាវា Viking Cruise Journey

ទី៩០៖ បុរសជនជាតិអាមេរិកាំង អាយុ៥៩ឆ្នាំ (ប្តី) ជាភ្ញៀវទេសចរតាមនាវា Viking Cruise Journey

ទី៩១៖ ស្រ្តីជនជាតិអាមេរិកាំង អាយុ៦២ឆ្នាំ (ប្រពន្ធ) ជាភ្ញៀវទេសចរតាមនាវា Viking Cruise Journey។

ទី៩២៖ ជនជាតិបារាំង នៅក្នុងខេត្តព្រះសីហនុ។

ទី៩៣៖ ជនជាតិបារាំង នៅក្នុងខេត្តព្រះសីហនុ៕

ដកស្រង់ពី៖ Fresh News