លោកជំទាវ កែ សុវណ្ណរ័ត្ន ជំនួស លោកជំទាវ មូរ សុខហួរ ខណៈ ឯកឧត្តម ហូ វ៉ាន់ ជំនួស ឯកឧត្តម យឹម សុវណ្ណ

សេចក្ដីលម្អិត

ជំពូក៖ ព័ត៌មានជាតិ

ភ្នំពេញ ៖ ប្រធានរដ្ឋសភា នៃព្រះរាជាណាចក្រកម្ពុជា សម្តេច ហេង សំរិន បានឡើងប្រកាស នៅក្នុងកិច្ចប្រជុំ វគ្គ២ នៅរសៀល ថ្ងៃទី២៧ ខែសីហា ឆ្នាំ២០១៤ នេះថា លោកជំទាវ កែ សុវណ្ណរ័ត្ន ឡើងជំនួស លោកជំទាវ មូរ សុខហួរ ចំណែក ឯកឧត្តម ហូ វ៉ាន់ ឡើងជំនួស ឯកឧត្តម យឹម សុវណ្ណ ។

សូមបញ្ជាក់ថា លោកជំទាវ មូរ សុខហួរ ត្រូវបានធ្លាក់ ពីប្រធានគណៈកម្មការទី៨ (គណៈកម្មការ សុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី) ដោយ អ្នកតំណាងរាស្រ្ត ទាំង ១២២រូប បានបោះឆ្នោតគាំទ្រ ឲ្យតែ ៥៦ សំឡេង ដែលមិនគ្រប់គ្រាន់នូវ សំឡេងគាំទ្រ ៦៣ ឡើងទៅ ។

ចំណែក ឯកឧត្តម យឹម សុវណ្ណ ត្រូវបានអ្នកតំណាងរាស្រ្ត សរុបទាំងអស់ ១២២ រូបបោះឆ្នោត គាំទ្រតែ ៥៦ សំឡេងតែប៉ុណ្ណោះ ខណៈ៦៣ សំឡេងទៀត មិនគាំទ្រ ឲ្យក្លាយជាប្រធាន គណៈកម្មការទី១០ (គណៈកម្មការអង្កេត បោសសំអាត និងប្រឆាំងអំពើពុករលួយ) និង៣ ទៀត អនុប្បវាទ ៕

ដកស្រង់ពី៖ ដើមអម្ពិល