ភ្នំពេញ៖ នាល្ងាច ថ្ងៃទី១៣ ខែកញ្ញា ឆ្នាំ២០១៤នេះ ក្រសួងព័ត៌មាន នៃព្រះរាជាណាចក្រកម្ពុជា មានបើកកិច្ចប្រជុំ ប្រចាំឆ្នាំ លើកទី១ ស្តីពីការឆ្លើយឆ្លងព័ត៌មាន ទូរទស្សន៍ជាតិកម្ពុជា ឆ្នាំ២០១៤ ក្រោមអធិបតីភាព ដ៍ខ្ពង់ខ្ពស់ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅទីស្តីការក្រសួងព័ត៌មាន។
កិច្ចប្រជុំនេះ មានការអញ្ជើញចូលរួម ពីសំណាក់ ឯកឧត្តម លោកជំទាវ លោក លោកស្រី ជារដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង នៃអគ្គនាយករដ្ឋានទាំង៥ ប្រធាន អនុប្រធាន នាយកដ្ឋាន និង ប្រធាន អនុប្រធាន មន្ទីរព័ត៌មាន រាជធានីខេត្ត។ លោក ស ស៊ីណា ប្រធានមន្ទីរព័ត៌មាន ខេត្តត្បូងឃ្មុំ ក៍អញ្ជើញចូលរួមផងដែរ។