សម្តេចតេជោ ៖ អ្នកចង់បំផ្លាញសន្តិភាពចេញ១ វៃ១ ចេញ២វៃ២ ដើម្បីការពារប្រជាជនជាង១៦លាននាក់
- សេចក្ដីលម្អិត
- ជំពូក៖ ព័ត៌មានជាតិ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានគូសបញ្ជាក់ថា ដើម្បីរក្សា ការពារសន្តិភាព ស្ថេរភាពសណ្ឋាប់ធ្នាប់សង្គម និងប្រជាជនជាង១៦លាននាក់ មិនត្រូវអត់ ឱនអ្នកចង់បំផ្លាញនោះទេ គឺចេញ១វៃមួយ ចេញ២វៃ ។
សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ក្នុងពិធីសម្ពោធមជ្ឈមណ្ឌលកម្សាន្ត ខ្នាតយក្សដំបូងនៅកម្ពុជា «ព្រីនស៍ ម៉ាណ័រ» នៅស្រុកកៀនស្វាយ ខេត្តកណ្តាល កាលពីថ្ងៃទី៧ ខែតុលា ឆ្នាំ២០២០ថា ៖«ហ៊ុន សែន បានកាន់អំណាចជាង៤០ឆ្នាំនិយាយឲ្យច្បាស់ ក្នុងមុខតំណែងជាង៣០ឆ្នាំ អ្នកឯងត្រូវចាំ ហើយកុំចង់មកកម្ចេច ហ៊ុន សែន និងគ្រួសារហ៊ុន សែន កុំស្រមើលស្រមៃ ។
ខ្ញុំស្តាប់ឮហើយ សំឡេងអ្នកឯងនោះថា បើមិនបញ្ជូនលុយមកខ្ញុំនឹងដើរចូលគុកព្រោះថា នៅក្នុងគុកមានបាយស៊ី ស្រាប់ ។
អ្នកពីក្រៅរុញឲ្យធ្វើសកម្មភាព វាជាប់ទោសដល់ជាប់ទោសវារត់គេចខ្លួន ហើយវាគម្រាមថា ខ្ញុំទៅជាប់គុក មានបាយស៊ីស្រាប់ ។
សម្តេចបញ្ជាក់ថា ៖«ដោយតម្លៃណាក៏ដោយ មិនអនុញ្ញាតឲ្យអ្នកណាក៏ដោយ ដែលចង់បំផ្លាញសន្តិភាពដែលយើងរកបានដោយលំបាកនោះទេ ។ សូមបញ្ជាក់ហើយបញ្ជាក់ទៀ ត ។
ខ្ញុំបញ្ជាក់ថា ចេញមួយ១ វៃមួយ ចេញ២ វៃ២ អ្នកណាចង់ថាអ្វីថាទៅ! តែដើម្បីការពារប្រទេសជាតិដ៏កំសត់មួយនេះដែលមានប្រជាជនជាង១៦លាននាក់ ខ្ញុំត្រូវមានភារកិច្ចការពារសន្តិភាពស្ថេរភាពនយោបាយ សន្តិសុខសណ្តាប់ធ្នាប់សង្គម» ។
សម្តេចបន្តថា អ្នកនៅខាងក្រៅបានតែរុញអ្នកនៅខាងក្នុងជាប់គុកតែប៉ុណ្ណឹង ។
អ្វីដែលជាគន្លឹះ គឺតែប៉ុណ្ណឹង សម្រាប់ប្រទេសមួយនេះ(កម្ពុជា) គឺត្រូវទី១ ត្រូវរក្សាសន្តិភាព ស្ថេរភាពនយោបាយ សណ្ឋាប់ធ្នាប់សង្គម ឲ្យខានតែបាន ។
ធ្វើយ៉ាងម៉េចកុំឲ្យប្រទេសធ្លាក់ក្នុងស្ថានភាពចលាចល ទោះស្ថិតតម្លៃណាក៏ដោយ ។
សម្តេចបញ្ជាក់ថា ៖«ខ្ញុំសូមអរគុណប្រជនកម្ពុជាជាង១៦លាននាក់ដែលបានចូលរួមក្នុងការថែរក្សាសន្តិសភាព ស្ថេរភាពនយោបាយ សន្តិសុខ សណ្តាប់ធ្នាប់សង្គម ដោយមិនធ្វើតាមការញុះញង់ ដោយឧក្រិដ្ឋជនពីខាងក្រៅ និងខាងក្នុង (ខ្ញុំហៅឧក្រិដ្ឋជន អ្នកថា អ្វីថា ទៅ!)។
អីញ្ចឹងទេ បានជាភាពស្ងប់ស្ងាត់បានប្រជាពលរដ្ឋសន្តិភាព យើងបានដើរលេងដោយ សន្តិភាព «…»អីចឹងបានសន្តិភាព ។ សម្តេចគូសបញ្ជាក់ថា ៖«គេថា កម្ពុជាមិនទាន់មានសន្តិភាពគ្រប់គ្រាន់ទេ រាប់ទាំងអ្នកវិភា គមួយចំនួនផងដែរ ។
សូមបញ្ជាក់ថា សន្តិភាព«…»ខំរកយកមកបានណាស់ ។
តែមាន ម្នាក់នោះហៅឈ្មោះសុទ្ធតែអាសែនទៀត ។ រួចសុទ្ធតែអីញ្ចឹងអញអត់ឱនឲ្យនាងម៉េចកើត…ទេ ក្មេងជេចាស់វាខុស អីញ្ចឹប្រយ័តុ្នរន្ទះបាញ់ ។
អីញ្ចឹងៗនាងឯងហាននិយាយតែក្រៅប្រទេស តែបើនិយាយក្នុងប្រទេសងាប់អាលូវ កុំគេវៃខ្នោះយកទៅបាត់» ។
សម្តេចបន្ថែមថា ការរកឃើញសន្តិភាពពីការបាញ់គ្នា ដោយអាវុធមកធ្វើការជាមួយគ្នា ដែលពេលនោះកម្ពុជាមានតំបន់ត្រួតត្រាមិនតិចជាងមួយនោះទេ រហូតដល់ឆ្នាំ១៩៩៣ទើប កម្ពុជាមានតំបន់ត្រួតត្រាមួយមានរដ្ឋធម្មនុញ្ញតែមួយព្រះមហាក្សត្រតែមួយ រាជរដ្ឋាភិបាល តែមួយចង់បានអ្វីទៀត៕
ដកស្រង់ពី៖ កោះសន្តិភាព