ភ្ញៀវទេសចរសម្រុកទៅលេងកោះទន្សាយនាឱកាសចូលឆ្នាំចិន-វៀតណាម
- សេចក្ដីលម្អិត
- ជំពូក៖ ព័ត៌មានជាតិ
ខេត្តកែប ៖ នាឱកាសបុណ្យចូលឆ្នាំចិន-វៀតណាម គេសង្កេតឃើញអ្នកទេសចរណ៍ជិះទូកទៅលេងកោះទន្សាយមានចំនួនច្រើនជាងថ្ងៃធម្មតា ។
តាមប្រភពពីអ្នកលក់សំបុត្រទូកទេសចរណ៍នៅកំពង់ផែទៅកាន់កោះទន្សាយម្នាក់ឈ្មោះលេង ទ្រី បានប្រាប់ឱ្យដឹងកាលពីព្រឹកថ្ងៃទី10 ខែកុម្ភៈ ឆាំ្ន2021 កន្លងទៅនេះថា គិតត្រឹមតែ១ថ្ងៃគឺកាលពីថ្ងៃទី9 កុម្ភៈ មានភ្ញៀវទេសចរណ៍គ្រប់ជាតិសាសន៍ជាង300នាក់បាននាំគ្នាជិះទូកទៅលេងកំសាន្តនៅកោះទន្សាយក្នុងឱកាសបុណ្យចូលឆាំ្នចិន-វៀតណាម ។
លោកលេង ទ្រី បានឱ្យដឹងបន្តថា ទូកនៅក្នុងសហគមន៍ដឹកអ្នកទេសចរណ័ទៅកាន់កោះទន្សាយមានចំនួន16គ្រឿងដើម្បីដឹកភ្ញៀវចម្លងទៅមកស្ទើរតែមិនទាន់ផង។
ចំណែកឯស្ត្រីម្នាក់ទៀតជាអ្នកលក់ដូរនៅផ្លូវចុះទៅកំពង់ផែទៅកាន់កោះទន្សាយក៍បាននិយាយប្រាប់អោយដឹងកាលពីព្រឹកថ្ងៃទី10 ខែកុម្ភៈ ថា បន្ទាប់ពីជំងឺកូវីដ19បានស្ងប់ស្ងាត់បន្តិច គេសង្កេតឃើញភ្ញៀវទេសចរណ៍ទាំងក្រុមៗតែងតែនាំគ្នាទៅលេងកម្សាន្តនៅកោះទន្សាយជាបណ្ដើរៗហើយ។
បើយោងតាមការអោយដឹងពីមន្ត្រីមន្ទីរសាធារណការនិងដឹកជញ្ជូនខេត្តកែបធ្លាប់បានប្រាប់អោយដឹងថា កំពង់ផែទៅកាន់កោះទន្សាយនេះនឹងសាងសង់រួចរាល់ក្នុងឆាំ្ន2022៕
ដកស្រង់ពី៖ កោះសន្តិភាព