ប្រមុខរាជរដ្ឋាភិបាលអនុញ្ញាតបើកការហ្វឹកហាត់ក្រុមកីឡាជម្រើសជាតិកម្ពុជាឡើងវិញ តែត្រូវគោរពវិធានការសុខាភិបាល
- សេចក្ដីលម្អិត
- ជំពូក៖ ព័ត៌មានជាតិ
រាជធានីភ្នំពេញ ៖ ដើម្បីចូលរួមប្រកួតស៊ីហ្គែមនៅពេលខាងមុខ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអនុញ្ញាតឱ្យក្រុមកីឡាជម្រើសជាតិ បើកការហ្វឹកហាត់ឡើងវិញ ដោរាជរដ្ឋាភិបាលអនុញ្ញាតបែបនេះ ក្រោយពីទីស្ដីការគណៈរដ្ឋស្នើសុំអនុញ្ញាតជាគោលការណ៍ដ៏ខ្ពង់ខ្ពស់ប្រមូលផ្ដុំធនធានមនុស្សមកបម្រើការងារ និងអភិវឌ្ឍសមត្ថភាពធនធានកីឡាជំនាញឆ្ពោះទៅ SEA Games-ASEAN Para Games ឆ្នាំ២០២៣ ។
យោងតាមលិខិតរបស់ទីស្ដីការគណៈរដ្ឋមន្ដ្រី កាលពីថ្ងៃទី២៤ ខែឧសភា ឆ្នាំ២០២១ បានបញ្ជាក់ថា «រាជរដ្ឋាភិបាលយល់ព្រមជាគោលការណ៍ដូចជាអនុញ្ញាតឱ្យក្រុមកីឡាជម្រើសជាតិ បើកការហ្វឹកហាត់ឡើងវិញ ដោយត្រូវគោរពយ៉ាងម៉ឺង ម៉ាត់បំផុតដូចតទៅ ៖
ត្រូវបិទទ្វារទីលាន និងក្លឹបហ្វឹកហាត់ហាមអ្នកក្រៅចេញ-ចូល ពិសេសអនុវត្តយ៉ាងម៉ឺងម៉ាត់វិធានការ៣កុំ ៣ការពារ ទោះបីកីឡាករ កីឡាការិនី គ្រូបង្វឹក បានចាក់វ៉ាក់សាំងការពារជំ ងឺកូវីដ-១៩ ចំនួន២លើករួចហើយក្ដី» ។
លិខិតថា ត្រូវពិនិត្យកីឡាករ កីឡាការិនីមិនឲ្យចេញពីក្រៅផ្ទះ ក្រៅពីទៅមកកន្លែងហ្វឹកហាត់ និងនៅក្នុងកន្លែងស្នាក់នៅរួមតែប៉ុណ្ណោះ ។
ត្រូវមានគ្រូពេទ្យកីឡាតាមដានសុខភាពកីឡាករ កីឡាការិនីគ្រូបង្វឹកជាប្រចាំ មិនអនុញ្ញាតឲ្យកីឡាករ គ្រូបង្វឹក និងមន្ត្រីកីឡា ថ្នាក់ដឹកនាំកីឡា ដែលមិនបានចាក់វ៉ាក់សាំងការពារជំងឺកូវីដ១៩ចេញ ចូលក្នុងកន្លែងទីលានក្លឹប ហ្វឹកហាត់ជាដាច់ខាត ។
ជាងនេះទៅទៀត រាជរដ្ឋាភិបាលក៏បានអនុញ្ញាតប្រមូលផ្ដុំធនធានមនុស្សជំនាញកីឡា ក្នុងករណីពិសេសដូចជា ៖ គ្រូបង្វឹកក្រុមជម្រើសជាតិ ដែលជាមន្ដ្រីរាជការ កងកម្លាំងប្រដាប់ អាវុធ ត្រូវព្យួរការងារពីអង្គភាព មន្ទីរក្រសួង-ស្ថាប័នដើម
របស់ខ្លួនដោយរក្សាប្រាក់បៀវត្ស ដើម្បីបង្ហាត់ក្រុមជម្រើសជាតិតាមតម្រូវការកម្មវិធីហ្វឹកហាត់វិទ្យាសាស្ដ្រកីឡា ៨ម៉ោង ក្នុង១ថ្ងៃ រហូតដល់ចប់ SEA Games-ASEAN Para Games ឆ្នាំ២០២៣ ។
លិខិតថា ចំពោះកីឡាករជម្រើសជាតិជាសិស្សិ និស្សិត សិក្សាក្នុងគ្រឹះស្ថានសិក្សាសាធារណៈ និងឯកជនត្រូវបានលើកទឹកចិត្តពដោយអនុញ្ញាតឲ្យធ្វើស្វ័យសិក្សា ដោយមិនចាំបាច់វត្តមានជាប្រចាំក្នុងគ្រឹះស្ថានសិក្សា
ប៉ុន្តែអនុញ្ញាតឲ្យប្រឡង និងអាចរៀបចំការប្រឡងពិសេសក្នុងករណីចាំបាច់បំផុត ៕យត្រូវគោរពវិធានការសុខាភិបាលយ៉ាងម៉ឺងម៉ាត់បំផុត ។
ដកស្រង់ពី៖ កោះសន្តិភាព