ព្រឹកស្អែក សម្តេចតេជោនឹងអញ្ជើញទទួលវ៉ាក់សាំង២លានដូសជំនួយរដ្ឋាភិបាលប្រជាមានិតចិនផ្តល់ឲ្យកម្ពុជា
- សេចក្ដីលម្អិត
- ជំពូក៖ ព័ត៌មានជាតិ
រាជធានីភ្នំពេញ ៖ ព្រឹកស្អែកសម្តេចតេជោ ហ៊ុន សែន នឹងអញ្ជើញទទួលវ៉ាក់សាំងចំនួន២លានដូសជាជំនួយរបស់រដ្ឋាភិបាលសាធារណរដ្ឋប្រជាមានិតចិនផ្តល់ជូនរាជរដ្ឋាភិបាលកម្ពុជា ។
នេះបើយោងតាមទូរទស្សន៍ជាតិកម្ពុជាបានបង្ហោះមុននេះ ។នៅព្រឹកថ្ងៃទី១៧ ខែវិច្ឆិកា ឆ្នាំ២០២១ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញទៅទទួលដោយផ្ទាល់នូវវ៉ាក់សាំងការពារជំងឺកូវីដ-១៩ ចំនួន២លានដូសជាជំនួយរបស់រដ្ឋាភិបាល និងប្រជាជនចិនផ្តល់ជូនរាជរដ្ឋាភិបាល និងប្រជាជនកម្ពុជា ។
សូមបញ្ជាក់ថា កន្លងមកក៏ដូចជា បច្ចុប្បន្ន មហាមិត្តចិនជានិច្ចកាលតែងតែផ្តល់វ៉ាក់សាំងការពារជំងឺកូវីដ-១៩ ជាបន្តបន្ទាប់ទាំងវ៉ាក់សាំងជំនួយទាំងការបញ្ជាទិញសម្រាប់ចាក់ជូនដល់ប្រជាពលរដ្ឋកម្ពុជាដោយឥតគិតថ្លៃ ។
ជាងនេះទៀតក្នុងជំនួបរវាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាជាមួយ ឯកឧត្តម លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិន កាលពីថ្ងៃទី១៥ ខែវិច្ឆិកា ឆ្នាំ ២០២១ ម្សិលមិញនេះ
រដ្ឋាភិបាលចិនបានសម្រេចបន្តជួយដល់កម្ពុជានូវវ៉ាក់សាំង ដើម្បីជួយទប់ស្កាត់ជំងឺកូវីដ-១៩ នៅពេលឆាប់ៗនេះក៏ដូចជា ផ្ដល់នូវជំនួយពាក់ព័ន្ធវិស័យសុខាភិបាល និងពេទ្យព្យាបាលជំងឺកូវីដដល់កម្ពុជាផងដែរ ៕
Copy. Fresh News