ចាប់ពីថ្ងៃនេះរហូតដាច់ឆ្នាំ ស្នាដៃសិល្បៈល្អឯកជាច្រើននឹងបង្ហាញខ្លួននៅសារមន្ទីរជាតិកម្ពុជា
- សេចក្ដីលម្អិត
- ជំពូក៖ ព័ត៌មានជាតិ
រាជធានីភ្នំពេញ ៖ ចាប់ពីថ្ងៃទី ២២ ខែវិច្ឆិកា រហូតដល់ថ្ងៃទី ៣១ ខែធ្នូ ឆ្នាំ២០២១ ស្នាដៃសិល្បៈជាច្រើន រាប់ចាប់តាំងពី រូបថត រូបគំនូរ គ្រឿងអលង្ការ វីដេអូខ្លីៗ នឹងបង្ហាញខ្លួននៅក្នុងពិព័រណ៍មួយ រៀបចំនៅសារមន្ទីរជាតិកម្ពុជា ដែលជាឱកាសលោកអ្នកអាចនាំកូនតូចៗ ឬមនុស្សជាទីស្រលាញ់ចូលរួមទស្សនា ដើម្បីក្រេបជញ្ជក់នូវស្នាដៃសិល្បៈចម្រុះភាពដ៏ល្អឯក ។
យោងតាមសេចក្តីជូនដំណឹងរបស់សារមន្ទីរជាតិកម្ពុជា បានឱ្យដឹងថា ចាប់ពីថ្ងៃទី២២ ខែវិច្ឆិកា ឆ្នាំ២០២១ សារមន្ទីរជាតិមានរៀបចំពិព័រណ៌មិនអចិន្ត្រៃយ៍ស្ដីពី
«ពិព័រណ៌សិល្ប:មហោស្រពវប្បធម៌អាស៊ី និងអឺរ៉ុប ២០២១» ដើម្បីចូលរួមអបអរកិច្ចប្រជុំកំពូលអាស៊ី អឺរ៉ុបលើកទី១៣ ដែលមានប្រធានបទធំៗចំនួន ៦គឺ Happy Head, Sahaka playground, Encountering culture, The longest voyage, Thing that count, II Nodo: A sketch of hope។
ប្រភពដដែលបានបន្តថា «ស្នាដៃសិល្បៈដែលតាំងនៅក្នុងពិព័រណ៌នេះរួមមានស្នាដៃចម្លាក់ រូបថត រូបគំនូរ គ្រឿងអលង្ការ វីដេអូខ្លីៗ ដែលឆ្លុះបញ្ចាំងពីបទពិសោធន៏នៃការធ្វើដំណើរឆ្លងទ្វីប ស្ថានភាពរស់នៅប្រចាំថ្ងៃ និងឥទ្ធិពលគំនិតនៃសិល្បករមកពីទ្វីបទាំងពីរ ជាពិសេសសាមគ្គីភាព និងចំណងមិត្តភាពលើវិស័យវប្បធម៌នៃបណ្ដាប្រទេសក្នុងទ្វីបអាស៊ី និងអឺរ៉ុប»។
តោះមកទស្សនាស្នាដៃត្រួសៗអំពីការស្នាដៃសិល្បៈខ្លះៗនៅ«ពិព័រណ៌សិល្ប:មហោស្រពវប្បធម៌អាស៊ី និងអឺរ៉ុប ២០២១» ដូចខាងក្រោម ៖
Copy. kohsantepheap