លោកស្រី កិត្តិសង្គហបណ្ឌិត ម៉ែន សំអន អញ្ជើញបញ្ចុះបឋមសិលាកសាង សាលារៀន មួយខ្នង បួនបន្ទប់ ស្ថិតនៅក្នុងបឋមសិក្សា ពោធិ៍ធំ ស្រុកស្វាយជ្រំ
- សេចក្ដីលម្អិត
- ជំពូក៖ ព័ត៌មានជាតិ
ស្វាយរៀងៈ លោកស្រី កិត្តិសង្គហបណ្ឌិត ម៉ែន សំអន ឧបនាយក រដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតី ក្នុងពិធីក្រុងពាលី បញ្ចុះបឋមសិលា កសាងសាលារៀន មួយខ្នង បួនបន្ទប់ ស្ថិតនៅក្នុងបឋមសិក្សាពោធិ៍ធំ ភូមិព្រៃតាពៅ ឃុំចំបក់ ស្រុកស្វាយជ្រំ ខេត្តស្វាយរៀង នាព្រឹកថ្ងៃអាទិត្យ ទី២៦ ខែធ្នូ ឆ្នាំ២០២១។
គម្រោងសាងសង់អគារនេះ លើទីធ្លាដែលមានទំហំ ៩ ម៉ែត្រ គុណនឹង ៣២ ម៉ែត្រ ធ្វើពីបេតុង ប្រក់ក្បឿង ក្នុងគម្រោងចំណាយថវិកា ប្រមាណ ២១៨ លានរៀល និងគ្រោងចំណាយពេល សាងសាង់ ក្នុងប្រមាណជា ៤ ខែ ដែលជាអំណោយរបស់ សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តស្វាយរៀង ។
ក្នុងឱកាសនោះដែរ លោកស្រី កិត្តិសង្គហបណ្ឌិត បានឧបត្ថម្ភ ជាងចំនួន ១៣ នាក់ ក្នុងម្នាក់ៗ ទទួលបាន អាវរងាមួយ អាវយឺតមួយ ម៉ាស់ ជែលមួយដប ថ្នាំផ្តាសាយ មួយប្រអប់ និងថវិកា ប្រាំម៉ឺនរៀល ។
ចំណែកឯ សមាជិកក្រុមប្រឹក្សាឃុំ ប្រាំនាក់ គ្រូបង្រៀន ១៦ នាក់ ប្រជាការពារ ប្រាំនាក់ ក្នុងម្នាក់ៗ ទទួលបានថវិកា ប្រាំម៉ឺនរៀល៕
'
ដកស្រង់ពី៖ រស្មីកម្ពុជា