អភិបាលរាជធានី ជំរុញឲ្យចៅសង្កាត់ និងស្មៀន បម្រើសេវាសាធារណៈ ជូនប្រជាពលរដ្ឋ នៅក្នុងមូលដ្ឋានរបស់ខ្លួន ឲ្យបានល្អប្រសើរ
- សេចក្ដីលម្អិត
- ជំពូក៖ ព័ត៌មានជាតិ
ភ្នំពេញៈ លោក ឃួង ស្រេង អភិបាលរាជធានីភ្នំពេញ បានជំរុញឲ្យ ចៅសង្កាត់ និងស្មៀន ធ្វើយ៉ាងណា បម្រើសេវាសាធារណៈ និងសេវាផ្សេងៗទៀត ជូនបងប្អូនប្រជាពលរដ្ឋ នៅក្នុងមូលដ្ឋានរបស់ខ្លួន ឲ្យបានល្អប្រសើរ ។
ការជំរុញបែបនេះរបស់លោក ឃួង ស្រេង អភិបាលរាជធានីភ្នំពេញ បានធ្វើឡើង ក្នុងពិធីសំណេះសំណាល ជាមួយលោក ចៅសង្កាត់ និងស្មៀនសង្កាត់ទាំងអស់ នៅក្នុងរាជធានីភ្នំពេញ នាព្រឹកថ្ងៃទី៦ ខែមករា ឆ្នាំ២០២២ នេះ នៅសាលារាជធានី ភ្នំពេញ។ ក្នុងឱកាសនោះ លោក ឃួង ស្រេង បានមានប្រសាសន៍ថាៈ លោកចៅសង្កាត់ និងស្មៀនសង្កាត់ ជាអ្នកដែលនៅផ្ទាល់ ជាមួយនឹងបងប្អូនប្រជាពលរដ្ឋ ។
ដូច្នេះអ្វី ដែលជាការចង់បានរបស់ប្រជាពលរដ្ឋយើង ត្រូវតែបំរើពួកគាត់ ពិសេសការផ្តល់ សេវា ជូនពួកគាត់អោយមានតម្លាភាព និងទាន់ពេលវេលា ។
លោក ឃួង ស្រេង ក្នុងឱកាសនោះដែរ ក៏បានថ្លែងនូវការអរគុណ យ៉ាងធំធេង ផងដែរ ចំពោះអាជ្ញាធរសង្កាត់ ដែលបានយកអស់កម្លាំងកាយចិត្តក្នុងការចូលរួម
ទប់ស្កាត់ ជំងឺកូវីដ-១៩ រហូតស្ថានភាពជំងឺនេះបានធូរស្រាលនិងបានឈានដល់ រាជរដ្ឋាភិបាល បិទបញ្ចប់នូវព្រឹត្តិការណ៍ ២០ កុម្ភៈ ដែលធ្វើអោយប្រទេសជាតិ បានដំណើរការ ជាប្រក្រតីឡើងវិញ៕
ដកស្រង់ពី៖ រស្មីកម្ពុជា