នៅរសៀលនេះសម្តេចតេជោ ហ៊ុន សែន អញ្ជើញប្រកាសផ្សព្វផ្សាយនិងដាក់ឱ្យអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២
- សេចក្ដីលម្អិត
- ជំពូក៖ ព័ត៌មានជាតិ
ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនសព្រះរាជាណាចក្រកម្ពុជានៅរសៀលថ្ងៃទី២១ខែមីនាឆ្នាំ២០២២ នេះបានអញ្ជើ ញជាអធិបតីភាពក្នុងពិធីប្រកាសផ្សព្វផ្សាយនិងដាក់ឱ្យអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២ឆ្នាំ២០២១ដល់ ឆ្នាំ២០៣០ដោយហៅកាត់ថា «ក ជ ទី ២ » នៅសណ្ឋាការសុខា រាជធានីភ្នំពេញ ។
រាជរដ្ឋាភិបាលបានដាក់ចេញនូវគោលនយោបាយនិងយុទ្ធសាស្រ្តចតុកោណតាមដំណាក់កាល១ទី២ទី៣និងទី៤ តាមអាណត្តិនីមួយៗដោយផ្តោតទៅលើការធ្វើកំណែ ទម្រង់ក្នុងវិស័យសំខាន់ៗនានាដើម្បីធានាដល់ការបន្តរក្សានិងពង្រឹងសន្តិភាពស្ថេរភាពនយោបាយនិងការជំរុញកិច្ចអភិវឌ្ឍសេដ្ឋកិច្ច និងសង្គមកិច្ចប្រកបដោយសមធម៌ និងចីរភាព។
ក្នុងនោះកំណែទម្រង់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិក៏ជាកំណែទម្រង់មួយក្នុងចំណោមកំណែទម្រង់សំខាន់នានាផងដែរ។
កំណែទម្រង់វិមជ្ឈការនិងវិសហមជ្ឈការគឺជាកំណែទម្រង់វិស័យអភិបាលកិច្ចដ៏មានសារៈសំខាន់មួយដែលផ្តោតជាសំខាន់លើការរៀបចំឡើងវិញនូវរច នាសម្ព័ន្ធប្រព័ន្ធគ្រប់ គ្រងរដ្ឋបាលសាធារណៈនៅថ្នាក់ក្រោមជាតិឈរលើគោលការណ៍គន្លឹះនានានៃអភិបាលកិច្ចល្អគឺគណនេយ្យភាព តម្លាភាព ប្រសិទ្ ធភាពការចូលរួមការឆ្លើយតបនីតិរដ្ឋនិង ការលើកកម្ពស់បរិយាប័ន្ន និងសមធម៌សង្គម។
គោលបំណងដ៏ទូលំទូលាយនៃកំណែទម្រង់នេះគឺការបង្កើតនូវវប្បធម៌ប្រជាធិបតេយ្យនៅមូលដ្ឋានដោយមានការចូលរួមពីប្រជាពលរដ្ឋការលើកកម្ពស់គុណភាពសេវា
សាធារណៈនិងការអភិវឌ្ឍសេដ្ឋកិច្ចមូលដ្ឋានដែលឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ ដើម្បីលើកស្ទួយគុណភាពនៃជីវិតរបស់ប្រជាពលរដ្ឋនិងចូលរួម កាត់បន្ថយភាពក្រីក្រប្រកបដោយប្រសិទ្ធភាព។
កម្មវិធីកំណែទម្រង់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិបានចាប់ផ្តើមក្នុងដំណាក់កាលដំបូងជាប្រវត្តិសាស្រ្តតាមរយៈការបោះ ឆ្នោត ជ្រើសរើសក្រុមប្រឹក្សាឃុំ
សង្កាត់ទូទាំងប្រទេសនិងការដាក់ឱ្យដំណើរការនូវប្រព័ន្ធគ្រប់គ្រងតាមបែបវិមជ្ឈការនៅថ្នាក់ឃុំ សង្កាត់នាឆ្នាំ២០០២ ស្របតាមច្បាប់ស្តីពីការបោះឆ្នោតជ្រើសរើស ក្រុមប្រឹក្សាឃុំ សង្កាត់ និងច្បាប់ស្តីពីការគ្រប់គ្រងរដ្ឋបាលឃុំ សង្កាត់ ៕
ដកស្រង់ពី៖ រស្មីកម្ពុជា