ប្រេសិតពិសេសអាស៊ាន ៖ ទស្សនៈកិច្ចមីយ៉ាន់ម៉ាមិនទាន់មានភាពល្អប្រសើរតែយល់ដឹងពីស្ថានការណ៍បានច្រើន
- សេចក្ដីលម្អិត
- ជំពូក៖ ព័ត៌មានជាតិ
រាជធានីភ្នំពេញ ៖ ប្រេសិតពិសេសអាស៊ានអះអាងថា ទស្សនៈកិច្ចមីយ៉ាន់ម៉ាមិនទាន់មានភាពល្អប្រសើរនោះទេ ហើយសោកស្តាយមិនបានជួបភាគីជាថ្នាក់ដឹកនាំមួយចំនួនទៀតតាមការស្នើសុំ ។
នេះបើតាមការបញ្ជាក់របស់លោកក្នុងសន្និសីទសារព័ត៌មាន ។ឯកឧត្តមប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាប្រសិតពិសេសអាស៊ាន បានលើកឡើងក្នុងសន្និសីទសារព័ត៌មាន នៅព្រលានយន្តហោះអន្តរជាតិ នាព្រឹកថ្ងៃ២៣ មីនា ឆ្នាំ២០២២ បន្ទាប់ពីទស្សនៈកិច្ចនៅប្រទេសមីយ៉ាន់ម៉ាថា តាមផែនការ ឬគម្រោងដែលនឹងលើកឡើងនៅទស្សនៈកិច្ច នៅមីយ៉ាន់ម៉ានោះមិនសម្រេចបានទាំងអស់ទេ ។
ឯកឧត្តមបញ្ជាក់ថា ៖«បើនិយាយឲ្យពិតទៅមិនសម្រេចបានទាំងអស់ទេ ដោយសារតែមានហេតុផលខ្លះ ប៉ុន្តែការជួបនោះដើម្បីស្វែងយល់អំពីសភាពការណ៍ពីជំហររបស់ភាគីពាក់ព័ន្ធ នានា និងសំណូមពរ»។
យ៉ាងណាក្តី បើតាមឯកឧត្តមអះអាងថា លទ្ធផលដែលទៅមីយ៉ាន់ម៉ា បើប្រៀបធៀបនឹងការរំពឹងទុកនោះ គឺល្អគួរសម ។
តែយើងសោកស្តាយចំពោះការមិនបានជួបលោកស្រី ស៊ូស៊ូលី អតីតប្រធានាធីបតីមីយ៉ាន់ម៉ា ហើយគាត់ជាមនុស្សជិតស្និតជាមួយលោកស្រី អោង ស៊ានស៊ូជី ។
ប្រសិតពិសេសអាស៊ានបានអះអាង បើសិនបានជួបអតីតភរិយាប្រធានាធិបតីនឹងមានការពិភាក្សាគ្នានឹងមានផលប្រយោជន៍ច្រើន ដើម្បីស្តាប់ពីស្ថានភាពនយោបាយនៅមីយ៉ាន់ម៉ាយ៉ាងដូច្នេះ?
និងសុខទុក្ខលោកស្រី អោង ស៊ានស៊ូជីយ៉ាងម៉េច? ប៉ុន្តែបញ្ហាជំងឺកូវីដ គឺមិនអាចចៀសផុតនោះទេ ។
បើតាមឯកឧត្តមបានលើកឡើងថា ទោះបីមិនបានជួបក្នុងទស្សនៈកិច្ចលើកនេះក្តី តែឯកឧត្តមនឹងលើកសំណើរជួបជាមួយអតីតប្រធានាធិបតីមីយ៉ាន់ម៉ា និងឥស្សជនសំខាន់ៗមួយចំនួនទៀត ។
ទោះជាយ៉ាងណា បើតាមឯកឧត្តមបានលើកឡើងថាការទស្សនៈកិច្ចនៅមីយ៉ាន់ម៉ាប៉ុន្មានថ្ងៃមកនេះទទួលបានការយល់ដឹងអំពីស្ថានភាពមីយ៉ាន់ឯកឧត្តមប្រេសិតពិសេសបានលើកឡើងទៀតថា ចំណុចសំខាន់ដែលក្នុងនាមជាប្រធានអាស៊ាន គឺការបញ្ចប់អំពើហិង្សាការចែកជំនួយមនុស្សធម៌ និងការចាប់ផ្តើមសន្ទនាខាង នយោបាយដែលចំណុចទាំងនេះ បានកំពុងចាប់ផ្តើមនៅក្នុងប្រទេសមីយ៉ាន់ម៉ា ។
ការបញ្ចប់អំពើហិង្សាត្រូវការពេវេលា ហើយភាគីនីមួយៗមិនទាន់បានត្រៀម និងរៀបចំខ្លួនក្នុងការចរចានោះទេ ។
ឯកឧត្តមគូសបញ្ជាក់យ៉ាងដូច្នេះថា ៖«បើខ្ញុំស្តាប់ភាគីទាំងអស់ទៅគឺនៅមានឆន្ទៈមុះមុត ក្នុងការវាយប្រហារគ្នា ប៉ុន្តែយើងបានអំពាវនាវសុំឲ្យខាងទីក្រុងណៃប៉េដោ សម្តែងការអត់ធ្ងត់ខ្ពស់ បំផុតកុំប្រើកម្លាំងអាវុធនៅពេលមានភាពមិនចាំបាច់ឲ្យសោះ»។
ឯកឧត្តមក៏បានលើកឡើងថា ក្នុងជំនួបក៏បានស្នើកុំប្រើកម្លាំងយោធា នៅពេលមិនចាំបាច់ហើយសូមប្រើកម្លាំងយោធាបង្ក្រាប់ប្រជាពលរដ្ឋស៊ីវិល ដោយប្រើកំលាំងប៉ូលិស ចំណែកកំលាំងយោធាទុកប្រើនៅកន្លែងចាំបាច់ និងគោលដៅសំខាន់ ។
ចំពោះសំណើរខាងលើនេះ បើតាមឯកឧត្តមប្រេសិតពិសេសបានលើកឡើងថា ក្នុងជំនួបលោកនាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារ ណរដ្ឋសហភាពមីយ៉ាន់ម៉ាបានស្វាគមន៍ និងយល់ព្រមចំពោះសំណើរនេះ ។
ឯកឧត្តមក៏បានឲ្យដឹងថា ក្នុងចំណោមជនជាតិភាគតិចនៅមីយ៉ាន់ម៉ាមានជាង១២០ក្រុម ក្នុងមានជិត២០ក្រុម ជាកំលាំងប្រដាប់អាវុធ និង១១ក្រុមបានធ្វើកាចរចាកិច្ចព្រមព្រៀងសន្តិភាពពីបទឈប់បាញ់ជាមួយកងយោធាន នៅសល់៧ក្រុមទៀតបានបន្តវៃ ហើយក្នុង៧ក្រុមនេះ មាន៣ក្រុមធំៗបន្តវៃទៀត ។
ចំពោះដំណោះស្រាយនយោបាយនៅក្នុងប្រទេសមីយ៉ាន់ម៉ា ឯកឧត្តមប្រេសិតអាស៊ានបានបញ្ជាក់មានភាពស្មុគស្មាញ និងពិបាកពីព្រោះថា បានចាក់ឬសជ្រៅហើយច្រើនឆ្នាំមកហើយ ។
សូមរំលឹកថា ក្នុងនាមជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ាឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជាបានអញ្ជើញទៅបំពេញទស្សនកិច្ចការងារនៅមីយ៉ាន់ម៉ា ពីថ្ងៃទី២១-២៣ ខែមីនា ឆ្នាំ២០២២។
ដំណើរទស្សនកិច្ចលើកដំបូងនៃប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា មានគោលបំណង ដើម្បីបង្កើតលក្ខខណ្ឌអំណោយផល ដើម្បីឈានទៅដល់ការបញ្ចប់អំពើហិង្សាក៏ដូចជា ការអត់ធ្មត់ឱ្យបានខ្ពស់បំផុតពីគ្រប់ភាគីទាំងអស់,
ការចែកចាយជំនួយមនុស្សធម៌ ដោយមានការគាំទ្រ និងសម្របសម្រួលពីលេខាធិការដ្ឋានអាស៊ាន និងមជ្ឈមណ្ឌលសម្របសម្រួលអាស៊ាន ដើម្បីជំនួយមនុស្សធម៌ និងការគ្រប់គ្រងគ្រោះមហន្តរាយ,
និងលើកទឹកចិត្តឱ្យមានកិច្ច ពិគ្រោះយោបល់/កិច្ចសន្ទនានយោបាយក្នុងចំណោមភាគីពាក់ព័ន្ធទាំងអស់ ៕ម៉ាពេញលេញ តែគ្រាន់សោកស្តា យមិនបានជួបភាគីទាំងអស់ដែរបានស្នើសុំប៉ុណ្ណោះ។
ដកស្រង់ពី៖ កោះសន្តិភាព