សម្តេច កិត្តិព្រឹទ្ធបណ្ឌិត ដឹកនាំមន្រ្តី កាកបាទក្រហម ចូលគាល់ សម្តេចម៉ែ ថ្វាយព្រះពរ ក្នុងឱកាស ចម្រើនព្រះជន្ម

សេចក្ដីលម្អិត

ជំពូក៖ ព័ត៌មានជាតិ

ភ្នំពេញ ៖ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នៅម៉ោង៦ ៖០០ល្ងាច ថ្ងៃទី១៦ ខែមិថុនា ឆ្នាំ២០១៥នេះ

បានដឹកនាំ មន្រ្តីកាកបាទ ក្រហមកម្ពុជា ចូលក្រាប បង្គំគាល់ព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ ដើម្បីថ្វាយ ព្រះពរទ្រង់ដោយផ្ទាល់ ក្នុងឱកាសចម្រើន ព្រះជន្ម គម្រប់ ៧៩ យាងចូល ៨០ ព្រះវស្សាឆ្នាំនេះ ។

បុណ្យចម្រើន ព្រះជន្មសម្តេចម៉ែ នឹងធ្វើឡើងនៅថ្ងៃទី១៨ ខែមិថុនា ឆ្នាំ២០១៥ ខាងមុខ ។ សូមជំរាបថា នៅថ្ងៃទី១៦ ខែមិថុនា ឆ្នាំ២០១៥នេះ សម្តេចកិត្តិព្រឹទ្ធបណ្ឌិត ក៏បានផ្ញើសារ លិខិតមួយ ថ្វាយសម្តេច ម៉ែផងដែរ ។

នៅក្នុងសារលិខិត របស់សម្តេច កិត្តិព្រឹទ្ធបណ្ឌិត បានបង្ហាញថា «ខ្ញុំម្ចាស់ចងចាំជានិច្ច នូវព្រះរាជហឫទ័យ ដ៏ឧដុង្គឧត្តម របស់សម្តេច ព្រះមហាក្សត្រី ព្រះវររាជ មាតាជាតិខ្មែរ ដែលព្រះអង្គបានបូជាព្រះកាយពល បំពេញព្រះរាជ បេសកកម្មជាតិ ជាប្រវតិ្តសាស្រ្ត អមព្រះមហាវីរក្សត្រ ក្នុងព្រះរាជ បូជនីយកិច្ច ប្រកបដោយ ជោគជ័យ ដ៏ត្រចះត្រចង់ ដើម្បីប្រជាជាតិ និងប្រជានុរាស្រ្ត » ៕

ដកស្រង់ពី៖ដើមអម្ពិល