អគ្គនាយកស៊ីម៉ាក់ជួបប្រធានអង្គការបោសសំអាតមីនជប៉ុនថ្មីប្រចាំកម្ពុជា
- សេចក្ដីលម្អិត
- ជំពូក៖ ព័ត៌មានជាតិ
ភ្នំពេញៈ នៅព្រឹកថ្ងៃទី២៤ ខែឧសភា ឆ្នាំ២០២២នេះ នៅទីបញ្ជាការដ្ឋានស៊ីម៉ាក់ភ្នំពេញ លោក ហេង រតនា អគ្គនាយកស៊ីម៉ាក់បានទទួលស្វាគមន៍និងពិភាក្សាការងារជាមួយអតីត:ឧត្តមសេនីយ៍ តាស៊ីបាណា តាកាអាគី ( TACHIBANA Takaaki )ជាប្រធានអង្គការ JMAS ថ្មីប្រចាំកម្ពុជា។
អង្គភាពស៊ីម៉ាក់និងអង្គការJMAS ជាដៃគូសហការគ្នាយ៉ាងជិតស្និទ្ធជាមួយគ្នា ទាំងកិច្ចសហការក្នុងប្រទេសនិងអន្តរជាតិ។
លោក ហេង រតនា បានឲ្យដឹងថា ប្រជាជនជប៉ុនបានចូលរួមក្នុងវិស័យមីនមិនត្រឹមតែថវិកាជំនួយប៉ុណ្ណោះទេ បន្ថែមលើសនេះគឺមានទាំងធនធានមនុស្សមកចូលរួមដើម្បីបង្កើនទំនាក់ទំនងល្អរវាងប្រជាជននៃប្រទេសទាំង២។
យើងមានមហ្ឆិតាជួយកម្ពុជាឱ្យអស់ការគំរាមកំហែង ដោយសារគ្រាប់មីនប្រឆាំងមនុស្សត្រឹមឆ្នាំ២០២៥ ស្របតាមស្មារតីដឹកនាំរបស់រាជរដ្ឋាភិបាល៕
ដកស្រង់ពី៖ រស្មីកម្ពុជា