សម្តេច ស ខេង ៖ មេឃុំឈ្នះឆ្នោតកុំអួត កុំអាង កុំឆ្មើង កុំឆ្មៃ ឌឺដងផ្លែផ្កាអ្នកមិនឈ្នះឆ្នោតឲ្យសោះ

សេចក្ដីលម្អិត

ជំពូក៖ ព័ត៌មានជាតិ

រាជធានីភ្នំពេញ ៖ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើដល់មេឃុំអ្នកដែលឈ្នះឆ្នោតហើយកាន់តួនាទីកុំ អួត កុំអាង កុំឆ្មើងកុំឆ្មៃ ហើយកុំឌឺដងផ្លែផ្កាជាមួយអ្នកមិនជោគជ័យ ឬក៏ថា អ្នកមិនឈ្នះឲ្យសោះ ។

ថ្លែងក្នុងពិធីបុណ្យបញ្ចុះខណ្ឌសីមាព្រះវិហារ វត្តពោធិរង្ស៊ី ហៅវត្តត្រពាំងទទឹម ស្ថិតក្នុងភូមិត្រពាំងទឹម ឃុំព្រាល ស្រុកកញ្ជ្រៀច ខេត្តព្រៃវែង កាលពីថ្ងៃទី១៩ ខែមិថុនា ឆ្នាំ២០២២ សម្ដេចស ខេង បានមានប្រសាសន៍អំពីដំណើរការបោះឆ្នោតជ្រើសរើសក្រុមប្រឹក្សាឃុំ សង្កាត់ដែលមានប្រជាពលរដ្ឋអញ្ជើញទៅបោះឆ្នោតច្រើនលើសលុបបង្ហាញអំពីការគាំទ្រដំណើរការប្រជាធិបតេយ្យ និងការបន្តថែរក្សាសុខសន្តិភាព ។

សម្ដេចបន្តថា ការបោះឆ្នោតបានប្រព្រឹត្តទៅដោយរលូន និងជោគជ័យក៏ជាការបង្ហាញកិត្តិយសជាតិលើឆាកអន្តរជាតិក្នុងនោះសម្ដេចពិតជាមានមោទកភាពចំពោះការចូលរួមគោរពច្បាប់ បទបញ្ជា និងនីតិវិធីនៃការបោះឆ្នោតពីគ្រប់ភាគី ។

ក្នុងនាមសម្ដេចប្រធានកិត្តិយសគណបក្ស សម្ដេចប្រធានគណបក្ស ថ្នាក់ដឹកនាំគណបក្ស និងរាជរដ្ឋាភិបាល សម្ដេចក្រឡាហោមឧបនាយករដ្ឋមន្ត្រី

និងជាអនុប្រធានគណបក្សប្រជាជនកម្ពុជាបានថ្លែងអំណរគុណប្រជាពលរដ្ឋដែលបានបោះឆ្នោតគាំទ្រគណបក្សប្រជាជនកម្ពុជា និងបានថ្លែងអំណរគុណអាជ្ញាធរមានសមត្ថកិច្ច និងកងកម្លាំងទាំងអស់ដែលបានចូលរួមគាំទ្រ និងបង្កលក្ខណៈធ្វើឱ្យការបោះ ឆ្នោតនេះបានប្រព្រឹត្តទៅដោយរលូន និងជោគជ័យ ។

ជាមួយគ្នានេះ សម្ដេចបានមានប្រសាសន៍ថា ក្រុមប្រឹក្សាឃុំ សង្កាត់ដែលឈ្នះការបោះឆ្នោតត្រូវសងគុណប្រជាពលរដ្ឋ គិតឱ្យជ្រៅជ្រះកុំថាខ្លួនឯងខ្លាំងទើបឈ្នះឆ្នោត ។

សម្ដេចបានគូសបញ្ជាក់ថា ៖«យើងខ្លាំងបាន គឺដោយសារពលរដ្ឋបោះឆ្នោតទេ ។ ម្ចាស់សិទ្ធិ ម្ចាស់អំណាចឱ្យយើងធ្វើមេឃុំនេះ គឺពលរដ្ឋ ។

ដូច្នេះត្រូវបំរើពួកគាត់ឱ្យអស់ពីលទ្ធភាព» ។ សម្ដេចបន្តថា ក្នុងនាមជាអាជ្ញាធរត្រូវធ្វើឱ្យពលរដ្ឋមានទំនុកចិត្ត ដ្បិតមិនមែន គ្រាន់សម្ដេចក្រឡាហោមគូសបញ្ជាក់បន្ថែមថា

៖«ខ្ញុំស្នើថា កុំអួត កុំអាង កុំឆ្មើង កុំឆ្មៃ ហើយកុំដាក់ដងដាក់ផ្លែផ្កាជាមួយអ្នកមិនជោគជ័យ ឬក៏ថាអ្នកមិនឈ្នះ ឬក៏ថា អ្នកដែលចាញ់ កុំឱ្យសោះ កុំអត់មានប្រយោជន៍ទេ គ្មានបានប្រយោជន៍អីទេ បំរើតែមហិច្ចតាខ្លួនឯង គំនិតខ្លួនឯងប៉ុណ្ណឹងទេ ប៉ុន្តែឱ្យសម្រាប់សង្គមវាអត់មានទេ។

អ៊ីចឹងហើយចំពោះអ្នកហ្នឹងយើងរឹត តែធ្វើល្អដាក់គាត់ទៀត ដើម្បីឱ្យឃើញថា នយោបាយគណបក្សប្រជាជនមិនមានការរើសអើងទេ ភ្លើបងទៀនក៏ដោយ ភ្លើងធូបក៏ដោយ បោះឆ្នោតហើយ យើងធ្វើការជាមួយគ្នាទៅ សុទ្ធតែខ្មែរដូចគ្នាទេ» ។

ក្នុងវេទិកានោះដែរ សម្ដេចក្រឡាហោម បានបន្តមានប្រសាសន៍ជម្រាបជូនអង្គពិធីអំពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ-១៩ ពិសេសការស្វែងរកវ៉ាក់សាំងមកចាក់ជូនប្រជាពលរដ្ឋបានយ៉ាងឆាប់រហ័ស និងចាក់ជូនដោយគ្មានការរើស អើងនោះឡើយ សូម្បីតែជនបរទេសក៏បានចាក់ជូនដោយឥតគិតថ្លៃផងដែរ ។

ជាមួយគ្នានោះដែរ សម្ដេចក៏បានចាត់ទុកលទ្ធផលនៃការបោះឆ្នោតដែលពលរដ្ឋគាំទ្រគណបក្សប្រជាជនកម្ពុជាច្រើនលើសលុបថាអាចជាការផ្ដល់យុត្តិធម៌ជូនរាជរដ្ឋាភិបាលផងដែរ ។

មុននឹងបញ្ចប់ សម្ដេចក្រឡាហោម បានអំពាវនាវប្រជាពលរដ្ឋចូលរួមបង្កើនការអប់រំកូនចៅចៀសឱ្យផុតពីអំពើអបាយមុខ ពិសេសចៀសឱ្យឆ្ងាយពីគ្រឿងញៀន ។

សម្ដេចក៏អំពាវនាវប្រជាពលរដ្ឋទាំងអស់ចូលរួមគោរពច្បាប់ចរាចរណ៍ឱ្យបានខ្ជាប់ខ្ជួននៅរៀងរាល់ពេលធ្វើដំណើរតាមដងផ្លូវ ពិសេសពាក់មួកសុវត្ថិភាព ។

ជាមួយគ្នានោះ សម្ដេចក៏បានរម្លឹកអាណាព្យាបាល ឪពុកម្ដាយ ជីដូនជីតា បង្កើនការប្រុងប្រយ័ត្នចំពោះកុមារតូចដែលអាចជួបគ្រោះថ្នាក់លង់ទឹកនារដូវវស្សានេះ ៕

តែបោះឆ្នោតឱ្យនោះទេ ពលរដ្ឋថែមទាំងផ្ដល់ប្រាក់ខែជូនទៀតតាមរយៈប្រាក់ខែរដ្ឋ ដែលក៏ជាប្រាក់របស់ពលរដ្ឋ ។

ដកស្រង់ពី៖ កោះសន្តិភាព