ដ្ឋមន្ត្រីកសិកម្មចូលរួមពិធី រំលឹកខួបអនុស្សាវរីយនៃការបង្កើតសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា
- សេចក្ដីលម្អិត
- ជំពូក៖ ព័ត៌មានជាតិ
ភ្នំពេញៈ កាលពីព្រឹកថ្ងៃទី ២១ ខែ មិថុនា ឆ្នាំ ២០២២ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និង នេសាទបានអញ្ជើញជាអធិបតីក្នុងពិធី រំលឹកខួបអនុស្សាវរីយនៃការបង្កើតសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា (CASIC) រយ:ពេល ៣ឆ្នាំ ដែលពិធីនេះបានរៀបចំឡើងនៅក្នុងទីស្តីការក្រសួងកសិកម្ម រុក្ខាប្រមាញ់ និងនេសាទ (MAFF)
និងដោយមានការអញ្ជើញចូលរួមពីមន្ត្រីមកពីក្រសួង ស្ថាប័នពាក់ ព័ន្ធ ថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ភ្ញៀវជាតិ អន្តរជាតិ និងដៃគូអភិវឌ្ឍ។
មន្ទាប់ពីមានមតិស្វាគមន៍ លោករដ្ឋមន្ត្រីបានអានសន្ទរកថាជូនអង្គពិធីបានជ្រាបអំពីសាវតារ នៃការបង្កើតសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជានេះឡើងក្នុងគោលបំណងគឺដើម្បីជំរុញឱ្យមានការទទួលយកកាន់តែទូលំទូលាយនៃវិធីសាស្ត្រ
និងបច្ចេកទេសច្នៃប្រឌិតថ្មីទាំងនេះ ហើយវាគឺជាយន្តការថ្នាក់ជាតិមួយ ដែលត្រូវបានបង្កើតឡើងជាវេទិកាសម្រាប់ការលើក កម្ពស់កសិកម្មអភិរក្សនិងប្រពលវប្បកម្មនិរន្តរភាព ឆ្ពោះទៅកាន់ការផ្លាស់ប្តូរជាកសិកម្មអេកូឡូស៊ីនៅក្នុងប្រទេសកម្ពុជា
និងអាស៊ីអាគ្នេយ៍។សម្ព័ន្ធនេះគ្រប់គ្រងដោយ ក្រសួង តាមរយ:គណៈកម្មការតម្រង់ទិស ដែលសមាជិកមកពីក្រសួងមហាផ្ទៃ ក្រសួងបរិស្ថាន ក្រសួងកិច្ចការនារី ក្រសួងធន ធានទឹក និងឧតុនិយម និងសភាពាណិជ្ជកម្មកម្ពុជា។
សកម្មភាពសំខាន់ៗដែលសម្ព័ន្ធ បានអនុវត្តក្នុងរយ:ពេល ៣ឆ្នាំកន្លងមក លទ្ធផលសម្រេចបាន បញ្ហាប្រឈម និងផែនការសកម្មភាពអនុវត្តបន្ត សំណូមពរ និងអនុសាសន៍បន្ថែម។
លោករដ្ឋមន្ត្រី ឆ្លៀតយកឱកាសនេះបានថ្លែងអំណរគុណយ៉ាងជ្រាលជ្រៅជូនចំពោះក្រសួង ស្ថាប័នពាក់ព័ន្ធ អង្គការជាតិ អន្តរជាតិ ដៃគូ
និងក្រុមការងារសម្ព័ន្ធដែលបានរួមសហការអនុវត្ត ការងារទទួលបានលទ្ធផលល្អប្រសើរ និងបានគាំទ្រឲ្យបន្តការងារកសិកម្មអភិរក្ស និងប្រពលវប្បកម្មនិរន្តរភាព
និងកសិកម្មអេកូឡូស៊ី ឲ្យកាន់តែល្អប្រសើរ ឈានឆ្ពោះទៅកាន់មាគ៌ាថ្មីមួយសម្រាប់ផលិតកម្មកសិកម្ម និងការគ្រប់គ្រងដីធ្លី និងជីវចម្រុះ និងការប្រមូលកាបូនក្នុងដីប្រកបមដោយនិរន្តរភាព។ បង្កើនសមត្ថភាពច្នៃប្រឌិត
និងទេព្យកោសល្យ ដែលនាំឱ្យជីវភាពរស់នៅរបស់ប្រជាកសិករ និងសហគមន៍កាន់តែប្រសើរឡើង ក្នុងបរិបទនៃការប្រែប្រួលអាកាសធាតុ និងវិបត្តិសេដ្ឋកិច្ចសកល៕
ដកស្រង់ពី៖ រស្មីកម្ពុជា